VOV4.Bahnar - Kiơ̆ trong jang tơdra hơdrol ‘Măng hop akŏm hăt hot mă 5, Kuô̆k hô̆i lăng hơlen pơdrơng kiơ̆ Tơdrong vă pơjing Khôi luơ̆t Groi teh (hơmet ming). Mă lei, Hơnih bơ̆ jang Mŭk drăm kơ Kuô̆k hô̆i akhan: trong bơ̆ jang tôch kơ lơ, khei ‘năr kơ đeh dơ̆ng, tơdrong pơtruh ăn Kuô̆k hô̆i pơdrơ̆ng kiơ̆ ‘noh jĭ tơdrong long tôch kơtang. Kơdră chĕp pơgơ̆r Kuô̆k hô̆i Vương Đình Huệ ‘noh pơma hơdăh: Ư̆h kơ gơ̆h pơđunh dơ̆ng jơ ‘năr pơdrơ̆ng kiơ̆ Khôi luơ̆t Groi teh (hơmet ming).

VOV4.Bahnar - Hăm tơdrong tơm hơnơ̆ng tơplih ‘nao, sơnăm 2023, tơdrong jang dăr lăng đơ̆ng Quốc hội đei tơlĕch jang hrơ̆ch ‘lơ̆ng, tôm tơdrong, Quốc hội hlôi iŏk yoa rim trong jang dăr lăng kăl hlŏh đơ̆ng Quốc hội đei luơ̆t hơgăt nhen: Hơlen năng hla ar chih tơroi đơ̆ng dôm anih jang kơ teh đak; apinh jet păng tơl nơ̆r apinh jet; hơlen năng kiơ̆ tơdrong jang; iok kơphĭu lui dăh mă ưh… tơiung đei jơhngâm đon jang tơnăp, tơgop pơm tơplih ‘lơ̆ng rim tơdrong găh đon hlôh vao, đon tơnăp đơ̆ng rim anih jang kơpal păng tơdrong đei dăr lăng. Năr ‘nâu, Tơbăt 78 sơnăm năr Pôk rơih Quốc hội mă blŭng (6/1), đei ƀai chih tơroi truh tơdrong jang dăr lăng sơnăm 2023 đơ̆ng Quốc hội.

VOV4.Bahnar - “Tơring tơm ƀrơ̆m phao pơgang pơrăm” ‘noh hơnăn mă lơ kon pơlei lơ̆m tơring joăt chă krao tơring cham gre păr A So, tơring Đông Sơn, apŭng A Lưới, dêh char Thừa Thiên Huế. Lơ̆m khei năr đunh tơblăh vang, cham gre păr A So hlôi răm kơtang đơ̆ng ƀrơ̆m phao pơgang dioxin pơm ăn. Đơ̆ng mĭnh “hơnih hli hlơt” găh ‘mê̆ ‘mach pơgang pơnhul Dioxin, cham gre păr A So hrei au hlôi hơmet pơ ‘lơ̆ng sơđơ̆ng, rơgoh, tơgŭm ăn kon pơlei sơđơ̆ng hơnih sa păng jang sa.

VOV4.Bahnar - Kơsơ̆ năr 1/1, tơ̆ Hậu Giang, Kơdră chĕp pơgơ̆r Teh đak Võ Văn Thưởng vang năm Pơm lêh et hơtŏk, pơjao 1.400 pơbŭng hnam Tơgoăt tơgoăl, mĭnh tơdrong pơgơ̆r kơ kuh chơt hơ iă 20 sơnăm pơjing dêh char Hậu Giang (01/01/2004 - 01/01/2024).

VOV4.Bahnar - Khei năr au ki, bơ̆ jang atŏk tơ iung đảng viên ‘noh bơngai lui khop tơ̆ dêh char Dak Lăk hlôi iŏk jơnei hơ iă, tơgop pơm tơplih pơ prŏ tơmơ̆t bơngai đảng viên, atŏk kơtang hơnăp jang chĕp pơgơ̆r, jơhngơ̆m pran kơ rim hơnih đảng. Đơ̆ng noh jơhngơ̆m pran tơgoăt tơgoăl pôm nơ̆r ƀơ̆r đon rim hơdrech hơdrung, lui khop roi năr roi hơtŏk kơtang, tơgop lơ̆m tang găn tơdrong hơlĕnh pơdăr, twochă tơdrong đơ̆ng ayăt oei pơgơ̆m tơdrong lui khop vă pơm chere, pơm ưh sơđơ̆ng tơdrong tơgoăt tơgoăl pôm nơ̆r ƀơ̆r đon hơdrĕch hơdrung. 

VOV4.Bahnar - Khei năr au ki, bơ̆ jang atŏk tơ iung đảng viên ‘noh bơngai lui khop tơ̆ dêh char Dak Lăk hlôi iŏk jơnei hơ iă, tơgop pơm tơplih pơ prŏ tơmơ̆t bơngai đảng viên, atŏk kơtang hơnăp jang chĕp pơgơ̆r, jơhngơ̆m pran kơ rim hơnih đảng. Đơ̆ng noh jơhngơ̆m pran tơgoăt tơgoăl pôm nơ̆r ƀơ̆r đon rim hơdrech hơdrung, lui khop roi năr roi hơtŏk kơtang, tơgop lơ̆m tang găn tơdrong hơlĕnh pơdăr, twochă tơdrong đơ̆ng ayăt oei pơgơ̆m tơdrong lui khop vă pơm chere, pơm ưh sơđơ̆ng tơdrong tơgoăt tơgoăl pôm nơ̆r ƀơ̆r đon hơdrĕch hơdrung. 

VOV4.Bahnar - Tơ̆ ‘măng hop akŏm mă 6, Kuô̆k hô̆i jăl XV au ki hlôi ‘măn khei ‘năr vă dăr lăng hơlen kơtang găh tơdrong jang “Tơdrong tơlĕch jang kiơ̆ rim Tơdrong tơchơ̆t kơ Kuô̆k hô̆i găh rim Tơdrong jang tơm Teh đak. Tơ̆ rim dêh char lơ̆m tơring Tây Nguyên, ‘măng hop akoưm hơtuch sơnăm 2023 jei lăng ba kơjăp găh tơdrong au. Tơdrong mă au đei ƀôh, đơ̆ng Trung ương truh tơ̆ tơring tŏk bok akŏm hơmet pơ ‘lơ̆ng tơnap tap, tơhlăk tơhlĭn, tơgŭm tơlĕch rim Tơdrong jang tơm Teh đak jang keh đang ‘lơ̆ng, ƀlep khei ‘năr pơkă, pơjing đei jơhngơ̆m đon lui kiơ̆ păng tơdrong hơrih sa hơnŭk hơnoa kơ kon pơlei.

Lơ sơnăm au ki, ‘ngoăih tơdrong jang vei lăng kơjăp iăp kơtang sơđơ̆ng tơring sơlam teh đak, Ƀô̆ đô̆i vei lăng sơlam teh đak dêh char Gia Lai oei iung jang hơdoi hăm hơnih đảng, hơnih bơ̆ jang tơring, khul jang tơgŭm ăn kon pơlei tơring sơlam teh đak atŏk tơ iung mŭk drăm-tơpôl, xut xa pơngot rơvĕt, tơjur dơnuh, tơ iung pơjing tơring tơrang ‘nao.

VOV4.Bahnar – Tơ̆ Hà Nội, Anih jangh gah Kon kông pơgơ̆r, jang atŭm hăm Anih tơm Pơtho Pơhrăm, Trung ương Đoan Hơdruh tơdăm cộng sản Hồ Chí Minh pơgơ̆r tơdrong Pôk hơpah 143 hŏk tro, sinh viên, hơdruh tơdăm kon kông hơgei ‘măng mă 10 sơnăm 2023.

VOV4.Bahnar - Ƀlep ƀât Tết Nguyên đán 2024, Trung ương Jơnŭm ‘long pơglang ƀrê Việt Nam hlôi tơlĕch tơdrong jang “Gơih tơmam tơgop Tết” lơ̆m teh đak.