Iung pơma tơ̆  pơm lêh, Kơdră chĕp pơgơ̆r Teh đak tơbăt jơhngơ̆m đon chơt hơ iă tơ̆ hơnăp dôm tơdrong iŏk đei jơnei kơ dêh char Hậu Giang đơ̆ng rŏng 20 sơnăm pơjing đơ̆ng sơnăm 2004 truh dang ei păng hơnơ̆ng lăng ba truh tơdrong oei sa tơpôl, vei lăng năng tông bơngai dơnuh, bơngai đei iŏk yua ăn teh đak, ŭnh hnam tơnap tap.

Gơnơm đơ̆ng noh, đơ̆ng mă ŭnh hnam dơnuh 30% lơ̆m sơnăm 2004 ‘noh truh dang ei hlôi tơjur kơtang; adoi hlôi hơvơn đei kon jên lơ tơ iung pơjing mơjĭt rơbau pơbŭng hnam ‘mêm mơnat, pơbŭng hnam Tơgoăt tơgoăl. Tơdrong mă au hlôi tơgop lơ̆m jang kiơ̆ trong tơlĕch jang tôch gĭt kăl ‘nŏh xut hŭt hnam hnăt hnot, hnam pơgia kơ kon pơlei. Kơdră chĕp pơgơ̆r Teh đak pơma hơdăh, dôm tơdrong jơnei hơ iă au hlôi tơgop tôch gĭt kăl đơ̆ng Măt trân Tổ quốc, rim khul jang chinh trĭ tơpôl, rim hơnih mơdro sa păng dôm bơngai đei jơhngơ̆m đon ‘lơ̆ng.