Vang năm pơm Lêh đei 500 ‘nu bơngai tang măt ăn rim Hơnih tơm, hơnih bơ̆ jang; tang măt ăn mĭnh ƀar tơring, grup jang, bơngai jang, sinh viên.

Khei iung jang găh Sơđơ̆ng bơ̆ jang sơnăm 2024 gô pơgơ̆r đơ̆ng năr 01/5 truh năr 31/5/2024 lơ̆m teh đak hăm hơnăn: “Atŏk kơtang vei lăng sơđơ̆ng Bơ̆ jang tơ̆ hơnih jang păng lơ̆m tơdrong jang” păng khei Kŏng nhân sơnăm 2024 ‘noh đei hơnăn: “Tơgoăt tơgoăl kŏng nhân-Tơlĕch jang kiơ̆ Tơdrong tơchơ̆t”. Iung pơma tơ̆ Pơm lêh tơlĕch jang, ƀok Nguyễn Đình Khang, Kơdră chĕp pơgơ̆r Hơnih tơm vei lăng Tơdrong jang Việt Nam sơkơt hơdăh, atŏk tơ iung mŭk drăm kơjăp ‘lơ̆ng tơklep hăm vei lăng sơđơ̆ng ăn rim bơngai iung jang sơđơ̆ng, đei vei lăng năng tông jơhngơ̆m đon, mŭk drăm hơrih sa sơđơ̆ng, ‘noh jing tơdrong pơkăp atŭm lơ̆m atŏk tơ iung kơjăp ‘lơ̆ng păng vang mơ̆t hơdoi apŭng plĕnh teh.