Đơ̆ng rŏng mơ̆ng nơ̆r tơroi găh dôm tơdrong lơ̆m Hop akŏm mă 7, Quốc hội jăl XV păng tơdrong jang đei đơ̆ng Khul tang măt Quốc hội dêh char đơ̆ng hop akŏm mă 6 truh dang ei, dôm bơngai tăh hla Đắk Lắk pơma tơlĕch lơ nơ̆r apinh găh dôm tơdrong nhen ƀao hiêm, jên khei, hnam oie lơ̆m tơpôl, tơdrong đei yoa ăn bơngai jang... 

Mă hơdăh, bơngai tăh hla athei pơjing tơdrong ‘lơ̆ng vă đoàn viên, bơngai jang vang răt ƀao hiêm y tê̆ đei kla jên mưh khăm hơmet jĭ tơ̆ dôm hnam pơgang ‘ngoăih jơ bơ̆ jang, tơjur sơnăm pơdơ̆h hưu hăm 1,2 grŭp jang nhen kô mâm non, công nhân bơ̆ jang tơ̆ dôm anih krê hơmơt, bơ̆ jang trăp trĭn... Kŭm hăm ‘nŏh, lơ bơngai tăh hla oei athei teh đak tơrek hơlen năng, đei trong man hnam oei lơ̆m tơpôl, hnam oei kơjă reh ăn công nhân.

Tơ̆ Hop akŏm tơƀâp bơngai tăh hla au mơ̆n, Khul tang măt Quốc hội dêh char Đắk Lắk oei hơpăh 100 tơpu tơmam ăn công nhân, bơngai jang đei tơdrong arih xa pơmat tat lơ̆m dêh char./.