VOV4.Bahnar - Pơgê 26/1, tơ̆ Hop akŏm pơtôch tơdrong jang sơnăm 2023, tơlĕch jang hơnăp jang tơm sơnăm 2024 kơ Anih jang Teh đak tang găn AIDS, ma túy, tĕch hơkâu kơdih, Phŏ Thủ tướng Trần Lưu Quang, Kơdră Anih jang hlôi pơjao kơ 3 anih tơm jang hơdai pơjing Tơdrong jang tơm teh đak găh tang găn păng hơtŏk ‘lơ̆ng đei yua ĕnh kơ dư ma tuý.

VOV4.Bahnar - Pơgê năr 26/1, Kơ iĕng Kơdră chĕp pơgơ̆r Kuô̆k hô̆i Nguyễn Đức Hải vang năm ‘Măng pơgơ̆r “Têt ‘mêm kơ eng”-Puih mak Giáp Thìn 2024 tơ̆ thị trân Văn Quan, apŭng Văn Quan, dêh char Lạng Sơn.

VOV4.Bahnar - Kiơ̆ tơdrong tơchơ̆t kơsô̆ 22/2023/QĐ-TTg ‘năr 17/8/2023 đơ̆ng Thủ tướng teh đak găh asong tŏk iŏk jên hăm bơngai ‘nao brŏk đơ̆ng hnam phak, sơnăm 2023, tơ̆ dêh char Gia Lai đei kơhrĕng ‘nu bơngai đei tơgŭm tŏk iŏk jên hăm jên kon tŏ sĕt vă jang xa, mât hơdai hăm tơpôl, sơđơ̆ng jơhngâm hŏk tơdrong jang, jang tŏk lơ̆m tơdrong arih xa.

VOV4.Bahnar - Pơgê 25/1, tơ̆ Anih gru groa gĭt kăl kơ teh đak Hnam phak Buôn Ma Thuột, Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng dêh char Đắk Lắk pơm lêh Tơƀôh jơhngâm đon kŭp yom, ‘mêm bơnê kơ đe linh kăch mang hlôi lôch răm tơ̆ âu. 

VOV4.Bahnar – Tơ̆ dêh char Kon Tum tơdrong jang tơgŭm Têt tŏk bŏk sơkơ̆t truh tơring hơtaih yaih, tơring sơlam teh păng dôm bơngai đei tơdrong hơrih tơnap tap.

VOV4.Bahnar – Hăm tơchơ̆t iŏk tơring kon kông pơm tơm kơ dôm tơdrong tơchơ̆t jang tơjur hin dơnuh, sơnăm 2023 âu ki, dêh char Gia Lai hlôi tơlĕch asong tŏk iŏk jên tơchơ̆t tơgŭm tơpôl, tơgŭm ăn dôm jĭt rơbâu unh hnam asong hơtŏk jang, klaih đơ̆ng hin dơnuh

VOV4.Bahnar – Pơgê ‘năr brei (24/1), Khul Kơpal kơ Anih tơm Linh Tơring 3 Khul linh duk kơyuơ Yŏng dơnơm Nguyễn Đăng Tiến, Ƀĭ thư Anih jang Đảng – Chĭnh uy Tơring 3 Khul linh duk chĕp kơ̆l Khul kơpal atŭm hăm tang măt ăn dôm anih jang, dôm tơring, anih jang mŭk drăm truh hơpong, asong tơmam păng thơ thâu Têt hăm đe kan ƀô̆, khul linh păng kon pơlei tŏk bŏk oei hơrih jang xa tơ̆ apŭng achon đak dơsĭ Lý Sơn, dêh char Quảng Ngãi ƀơ̆t puih mak Giáp Thìn 2024.

VOV4.Bahnar - Kơsơ̆ brei (23/1) tơ̆ Anih jang kơ Khul kơdră teh đak, Bí thư Trung ương Đảng, Phó Thủ tướng Lê Minh Khái-Kơdră Anih pơgơ̆r vei lăng kơjă pơgơ̆r hop akŏm găh tơdrong jang đei mưh vei lăng kơjă tơmam sơnăm 2023 păng trong vă jang sơnăm 2024.

VOV4.Bahnar - Phŏ Thủ tướng Trần Lưu Quang tang măt kơdră chĕp kơ̆l Đảng, teh đak asong tơmam ăn dôm ŭnh hnam teh đak tơgŭm, bơngai đei kŏng, ŭnh hnam dơnuh hin, đoàn viên công đoàn lơ̆m pơlei tơm Hải Phòng ƀlep ƀơ̆t Têt Nguyên đán Giáp Thìn 2024.  

VOV4.Bahnar - Xăh Hra, apŭng Mang Yang sơ̆ jĭ tơring đei lui Hà Mòn dêh hlŏh kơ dêh char Gia Lai. Gơnơm năng kăl tơdrong pơjing anih jang đảng, hơtŏk đon hlôh vao ăn khul đảng viên, pơm ‘lơ̆ng ăn tơdrong chĕp kơ̆l pơgơ̆r rim tơdrong đơ̆ng đảng, lơ sơnăm ‘nâu Hra ling lang vei kơjăp tơdrong sơđơ̆ng, tơdrong arih xa mŭk drăm kơ kon pơlei roi đunh roi tŏk.