Đunh kơ âu tơ̆l 80 sơnăm, lơ̆m ‘năr 25/01/1944 (ƀlep ƀât ‘năr 1/1 sơnăm Giáp Thân), tơ̆ Anih gru groa gĭt kăl kơ teh đak Hnam phak Buôn Ma Thuột đei tơdrong pơgơ̆r pơrŏ khul linh hăm tơdrong vang akŏm đơ̆ng dôm pơnă chinh trĭ, bơngai vei lăng hnam phak, linh, bơngai jang tơ̆ âu. Mă đơ̆ng pơgơ̆r ưh đei đunh mă lei tơdrong pơrŏ khul linh ‘nŏh hlôi tơƀôh hơdăh đon adrin đơ̆ng linh kach mang.

Hnam phak Buôn Ma Thuột jing anih ƀrê tôch gĭt kăl, chih tơbăt kŏng tih tên đơ̆ng đe linh kăch mang hlôi lôch tang yoa tơdrong rơngei ăn hơdrĕch hơdrung. Tơ̆ jơ pơm lêh, hăm ƀĕnh jơhngâm đon kŭp yom, dôm bơngai tang măt plang pơyơ̆r pơkao, sŏh hlôt nhang păng vang pơđou dơ̆ng dôm tơdrong juăt kơtang nuih mơng đơ̆ng đe linh kăch mang.