Pơtôch Hop akŏm, Phŏ Thủ tướng Trần Lưu Quang pơma hơdăh tơdrong HIV/AIDS, ma tuý, tĕch hơkâu kơdih tôch kơ tơtăm, athei đei tơdrong bơngơ̆t truh, mơ̆t jang đơ̆ng pơđĭ khŭl jang chĭnh trĭ, mă loi ‘noh jĭ tơ̆ dôm tơring. Mưh mŭk drăm mơmat tat, dôm bơngai âu sa roi bơ̆jang lơ. Phŏ Thủ tướng pơjao kơ Anih tơm vei lăng pơtho pơhrăm tơmơ̆t tang găn AIDS, ma túy, tĕch hơkâu kơdih lơ̆m tơdrong jang pơtho pơhrăm.

Phŏ Thủ tướng pơjao kơ Anih tơm vei lăng Kŏng an jang hơdai hăm Anih tơm vei lăng jang pơgang, Anih tơm vei lăng bơngai jang - lĭnh jĭ rơka păng tơpôl pơgơ̆r pơjing Tơdrong jang tơm teh đak găh tang găn păng hơtŏk ‘lơ̆ng đei yua ĕnh dư ma tuý, vă đei tôm tơdrong jang trŏ luơ̆t păng kon jên, tơmam hơtŏk ‘lơ̆ng đei yua tơdrong jang ‘nâu.