Khul Kơpal kơ Anih tơm Linh Tơring 3 Khul linh duk năm hơpong, thơ thâu Têt tơ̆ apŭng Lý Sơn
Thứ năm, 13:56, 25/01/2024
VOV/Lan chih tơblơ̆
VOV/Lan chih tơblơ̆
VOV4.Bahnar – Pơgê ‘năr brei (24/1), Khul Kơpal kơ Anih tơm Linh Tơring 3 Khul linh duk kơyuơ Yŏng dơnơm Nguyễn Đăng Tiến, Ƀĭ thư Anih jang Đảng – Chĭnh uy Tơring 3 Khul linh duk chĕp kơ̆l Khul kơpal atŭm hăm tang măt ăn dôm anih jang, dôm tơring, anih jang mŭk drăm truh hơpong, asong tơmam păng thơ thâu Têt hăm đe kan ƀô̆, khul linh păng kon pơlei tŏk bŏk oei hơrih jang xa tơ̆ apŭng achon đak dơsĭ Lý Sơn, dêh char Quảng Ngãi ƀơ̆t puih mak Giáp Thìn 2024.
Tang măt ăn Anih jang Đảng, Anih tơm Linh Tơring 3 Khul linh duk kơyuơ Yŏng dơnơm Nguyễn Đăng Tiến pơtruh nơ̆r apinh jet gia pơma dơnuh hăm đe kan ƀô̆, khul linh păng kon pơlei apŭng achon đak dơsĭ Lý Sơn sơng Têt juăt jue chơt hơ-iă, grăng pran, tơnŏ.
Chĭnh uy Tơring 3 Khul linh duk bơnê kơ tơdrong tơgŭm đơ̆ng đe kan ƀô̆, đảng viên păng kon pơlei apŭng achon đak dơsĭ hăm kan ƀô̆, khul linh Anih hơlen radar 550 lơ̆m Trung đoan 351, Anih tơm Linh Tơring 3 Khul linh duk pơma hơdrô̆ păng khul linh pơma atŭm lơ̆m tơdrong vei sơđơ̆ng tơpôl, vei sơđơ̆ng tơchơ̆t kơ achon đak dơsĭ kơ teh đak.
Viết bình luận