Tơ̆ jơ lêh akŏm linh, đe kơdră dêh char Gia Lai atŭm hăm kơdră kơ Anih Pơgơ̆r linh dêh char Gia Lai hlôi pơtruh nơ̆r apinh hơlêm hăm đe linh iŏk sơnong jang ‘măng mă âu. Tôm khul K52 băt hơdah dôm tơchơ̆t gah jang tơbôl apŭng plenh teh, pơm kiơ̆ tơnăp kih luơ̆t khul linh, dôm tơchơ̆t đơ̆ng Anih tơm Pơgơ̆r linh, đơ̆ng Kuân khu lơ̆m tơdrong jang tơbôl.

Băt hơdah tơring, dôm kơtơ̆ng ang gah pơsat đe linh lôch tang lơ̆m tơring chă hơlen kôch, athei hơlen mă hơdah. ‘Nâu jing ‘măng mă 23 Khul K52 năm jang sơnong jang tơ̆ teh đak boăl Campuchia. Truh dang ei, Khul K52 hlôi chă akŏm păng ‘nhăk brŏk đei 1.468 kơting linh lôch tang, khul linh păng bơngai juăt jang Việt Nam lôch tang lơ̆m khei năr tơblah tơ̆ Campuchia.