Anih jang găh Joh ayŏ, pơtho pơhrăm pơgơ̆r ‘Măng hop akŏm đĭ đăng ‘măng mă 7
Thứ bảy, 10:05, 04/05/2024
VOV/Thuem tơblơ̆
VOV/Thuem tơblơ̆
VOV4.Bahnar -‘Năr 3/5, tơ̆ Hnam Quốc hội, Anih jang găh Joh ayŏ, Pơtho pơhrăm pơgơ̆r ‘Măng hop akŏm đĭ đăng ‘măng mă 7, pơma dơnuh, tơgop nơ̆r lơ̆m Tơdrong jang tơm teh đak găh hơtŏk tơiung joh ayŏ jăl jang 2025 - 2035.
Kiơ̆ trong jang, Tơdrong jang klăih song jing 2 jăl jang. Lơ̆m noh, truh sơnăm 2030 iŏk đei 9 grŭp tơdrong tơm păng truh sơnăm 2035 kŭm iŏk đei 9 grŭp tơdrong tơm kiơ̆ ƀlep athei đơ̆ng Tổng Bí thư Nguyễn Phú Trọng tơ̆ Hop akŏm joh ayŏ lơ̆m teh đak sơnăm 2021.
Tơchĕng hơdrol akŏm kon jên hơvơn bơ̆jang kiơ̆ tơdrong jang jăl jang 2025 - 2030 ‘noh 122 rơbâu 250 ti hlak jên. Pơma tơ̆ ‘Măng hop akŏm, Phŏ Kơdră chĕp kơ̆l pơgơ̆r Quốc hội Trần Thanh Mẫn athei Khŭl kơdră teh đak hơmet ăn hơlen găh kon jên vă bơ̆jang kiơ̆ Tơdrong jang, vei sơđơ̆ng tơdrong hơvơn, vei lăng, iŏk yua jên jang đei ƀlep, tơm.
Viết bình luận