‘Nâu jĭ đon pơhnŏng đơ̆ng Jơnŭm ‘long pơglang ƀrê dêh tơlĕch lơ̆m jơ pơm lêh “Têt ‘mêm mơnat” Pơyan puih mak Ất Tỵ sơnăm 2025 pơgơ̆r pơgê (9/1). Tơdrong pơgơ̆r “Têt ‘mêm mơnat” Pơyan puih mak Ất Tỵ sơnăm 2025 tơ̆ Đắk Lắk pơgơ̆r đơ̆ng ‘năr 1/12/2024, tơm hlŏh đơ̆ng ‘năr 7-27/1/2025.

Dôm jơnŭm ‘long pơglang ƀrê lơ̆m dêh char adrin hơmet, tơgŭm ăn tŏ sĕt hlŏh ‘nŏh 35.800 ‘nu bơngai tơnuh, bơngai đei tơdrong arih xa pơmat tat, bơngai ƀônh đei tơdrong răm hăm kơsô̆ jên hlŏh 18 ti. Đơ̆ng rŏng 1 khei krao hơvơn đĭ đei vă jê̆ 100 khul grŭp, rim bơngai đei đon ‘lơ̆ng vang tơgŭm hlŏh 10 rơbâu tơpu tơmam. Tơ̆ jơ pơm lêh, dôm khul jang, lơ bơngai đei đon ‘lơ̆ng vang tơgŭm vă jê̆ 3 ti hlak jên. Anih pơgơ̆r hlôi hơpăh ăn dôm unh hnam tơnuh, vă jê̆ tơnuh, unh hnam pơmat tat tơ̆ plt Buôn Ma Thuột 600 tơpu tơmam Têt.