VOV4.Bahnar - Dôm sơnăm tơ je# au, to\ ‘mi kial ư\h sơđơ\ng pơm ăn bơngai pơtăm chehphe tơ [ơ\p tôch lơ tơdrong tơnap tap. Atu\m hăm ‘no\h, kơ jă chehphe tơ jur kơtang, lơ mir pơgar chehphe kră kru\t, ple\i ư\h kơ ăl, io\k yua ư\h kơ jăp pơm ăn bơngai jang ư\h khan ‘me\h vă ve\i lăng. Vă hơnơ\ng ve\i lăng ‘lơ\ng mir pơgar ‘long, kon pơlei hlôi đe\i rim trong jang ve\i lăng năng tông chehphe ‘moi kiơ\ tơdrong ‘me\h vă đe\i mơ\r pho\ng păng tơdrong đei [o#h tơ\ dơnơm chehphe.

Đơ\ng ro\ng hlo\h 20 sơnăm pơtăm păng ve\i lăng chehphe, [ok Nguyễn Kim Tần, oe\i tơ\ thôn Thăng Tiến 3, tơring Hòa An, apu\ng Krông Pach, dêh char Dak Lăk [o#h akhan, tơdrong ve\i lăng chehphe ư\h khan dang yơ je\i kiơ\ ‘moi tơdrong joăt joe đơ\ng sơ\ ôh mă le\i kăl kiơ\ lơ\m rim tơdrong anai dơ\ng. Kơ yuơ lơ lo\h, [ok hơnơ\ng chă lăng rim kơtơ\ng ang găh ve\i lăng ‘long pơtăm ‘moi kiơ\ chă mơ\ng bơ\n bro\ lăng bơ\n tivi.

Kiơ\ đơ\ng [ok Tần, hăm dơnơm chehphe, tơdrong chă kăt sơdrai đe\i jang rim sơnăm mă le\i ‘măng chă kăt sơdrai kăl hlo\h ‘no\h lăp đơ\ng ro\ng phe\. Tơdăh chă kăt sơdrai [lep kih thuơ\t, [lep an^h kăt le\i pơjing ăn sơdrao chehphe ‘lơ\ng, tơgu\m ăn bơ\n mơ\r pho\ng ako\m ‘me ple\i. Lăp đơ\ng ro\ng phe\ je\i jing khe\i ‘năr chehphe ư\h gan jing ‘lơ\ng kơna [ok hlôi jang kiơ\ rim trong ve\i lăng năng tông ‘long pơtăm mư\h [o#h pơrang sơdrông pơra\m, gơnơm đơ\ng no\h kơna pơgar chehphe kơ u\nh hnam oe\i jing ‘lơ\ng hơ nơ\ng, sơdrai t^h bek ‘lơ\ng. “Lăp đơ\ng ro\ng phe\ ‘no\h hmă hmă đei [o#h hla jô, mă [ar dơ\ng đe\i [o#h pơrang pơmâu găm hle\k hlo\k tơ\ hla. Mư\h hla đum păng ư\h kơ jing ‘lơ\ng ‘no\h pơrang pơra\m păng dơnơm ‘long pă đe\i jing ‘lơ\ng bơih kơna pơrang ngăl chă pơra\m kơtang. Lăp phe\ đang ‘no\h ^nh ngăl io\k yua pơgang, mă blu\ng ‘no\h bơ\n chă prôi to\ se\t pho\ng. Pơt^h gia nhen oe\i đe\i ‘mi le\i chă prôi pho\ng vă dơnơm jing ‘lơ\ng đơ\ng no\h pruih pơgang kơna dơnơm chehphe hăp trep io\k pho\ng mơ\r adoi ke\ pơlôch pơrang pơra\m kơna dơnơm hăp jing ‘lơ\ng hlo\h”.

Adoi nhen lơ pơgar chehphe tơ\ Dak Lăk, khe\i năr au, pơgar chehphe 27 sơnăm kơ u\nh hnam ‘nho\ng Nguyễn Hữu Chiến, oe\i tơ\ thôn Tân Thịnh, tơring Tân Lập, apu\ng Krông {uk, dêh char Dak Lăk, hlôi đei cho#h pơkao. Kiơ\ kơ ‘nho\ng, tơdrong mă au đe\i [o#h lơ\m khe\i năr blu\ng pơyan phang kơ yuơ kơ ‘năr ư\h sơđơ\ng, ‘mi hơdrơ\k pơyan, lăp chă phe\ đang tim mă đe\i khe\i ‘năr ve\i rong dơnơm ‘no\h tă cho#h pơkao. Kơ yuơ lơ lo\h, cho#h pơkao ư\h kơ hrơ\p m^nh ‘măng, pơm kơne# tru\h tơdrong ve\i lăng năng tông păng pơyan đơ\ng ro\ng kơnh.

Tơdrong mă ‘nho\ng Chiến lăng kơ jăp hre\i au ‘no\h pơm lơ liơ vă ve\i lăng năng tông dơnơm ple\i ăl, dă [iơ\ sơdrông pơrang pơrăm adoi kon jên tơle\ch jang sa dă [iơ\ tơhoach lơ. ‘Nho\ng Chiến akhan, pơgar chehphe kơ u\nh hnam hlôi kră kru\t, pă gan ple\i kơna dơnơm trep io\k mơ\r vă rong ple\i pă gan kơtang, dơnơm hoei rơ ông, hla oe\i [l^k [lăk păng pho\ng mơ\r lơ\m dơnơm oei măh mai vă dơnơm ke\ krơ\ng lơ\m pơyan phang. Kơ yuơ lơ lo\h, lăp đơ\ng ro\ng phe\ ‘no\h ư\h kơ kăl chă prôi ăn bơ\n pho\ng, tu\h ăn bơ\n mơ\r ôh. “ Dôm sơnăm tơ je# au ‘no\h to\ ‘mi kial ư\h sơđơ\ng kơna chehphe ư\h kơ gan ple\i, lơ\m 1 ha lăp io\k đe\i đơ\ng 2 tân 5 tă truh 3 tân găr đe\ch, ple\i ư\h kơ đe\i lơ nhen le\ u\nh hnam hơpơi ‘me\h vă. Kơ yuơ ple\i ư\h kơ ăl kơna dơnơm ‘long oe\i jing ‘lơ\ng. Khe\i năr đơ\ng ro\ng phe\ ‘no\h ư\h kơ gơ\h vă chă prôi ăn pho\ng kơ yuơ pơyan phang bơih ne\i mă bơ\n chă prôi pho\ng, tuh mơ\r yă kiơ tơ\ tơm je\i ư\h kơ gơ\h chă prôi tu\h ôh păng găh pho\ng hla ‘no\h pơyan phang je\i ư\h kơ gan lăp ôh”.

Khe\i năr hre\i au tơ\ Tây Nguyên hlôi yak mơ\t lơ\m pơyan phang. Kiơ\ đơ\ng rim bơngai khoa ho\k Dơno\ an^h tơm chă tơche\ng Khoa ho\k Cho\h jang sa Bri ‘long Tây Nguyên, lăp đơ\ng ro\ng phe\, dơnơm chehphe pă gan jing ‘lơ\ng kơna [ônh đe\i tơdrong ư\h kơ măh kơchơ\t ‘lơ\ng păng sơdrông pơrang pơra\m. Kơ yuơ lơ lo\h tơdăh ư\h kơ đe\i trong jang ve\i lăng năng tông mă [lep le\i gô pơm kơ ne# tru\h tơdrong ple\i kơ dơnơm ‘long lơ\m đunh đai tai sơnăm, pơm kơne# tru\h tơdrong jang sa io\k đe\i kơ u\nh hnam cho\h jang sa păng m^nh lơ\m dôm tơdrong tơm pơm ato\k lơ kon jên răt pho\ng mơ\r ve\i lăng năng tông lơ\m rim sơnăm đơ\ng ro\ng dơ\ng.

Bơngai ch^h: H Xíu

Tơblơ\ nơ\r: Amazưt