Hdră bruă pŏk ngă mơ̆ng mlan 3/2024 - 3/2026, hŏng ênoh bi liê giăm 1,9 êklai prăk kyua Hdră mđĭ kyar Êpul hgŭm lu ala čar đru mơ̆ng Keh wăl hdĭp mda kluôm rŏng lăn. Leh 2 thŭn hlue ngă, hdră bruă ksiêm dlăng giăm 2.000 ha dliê leh anăn lăn adiê, ksiêm dlăng 150 gŏ êsei mnuih ƀuôn sang, mkŏ mjing 5 gru hmô lŏ hma dliê kmrơ̆ng bi mguôp hiu čhưn ênguê hŏng ênhă 2,5 ha; mkŏ mjing hriăm mjuăt, ba jao hdră mnêč pla mjing kjăp, ba yua biochar, mơ̆ng anăn 80% gŏ êsei ƀuăn rơ̆ng yua.

Mbĭt anăn đru mđĭ kyar tour hiu čhưn ênguê êpul êya ti ƀuôn Đung leh anăn ƀuôn Tlong, grăp knhuang mkŏ mjing hdră duh ƀơ̆ng mguôp hŏng răng mgang dliê. Lu klei blŭ lač brei mđĭ ktang klei bi mguôp bruă sang čư̆ êa, phung kreh knhâo, anôk bruă duh mkra leh anăn êpul êya čiăng mđĭ lar, bi lar gru hmô tŭ dưn sui.