Dak Lak: Klei bi kƀĭn ktrâo lač hdră duh bi liê đru mđĭ kyar krĭng pla ana mkra mjing êa drao hin
Thứ bảy, 09:38, 05/11/2022
VOV TAYNGUYEN
VOV TAYNGUYEN
VOV4.Êđê- Hruê 4/11, Knơ̆ng kriê dlăng bruă mdrao mgŭn djuê ana mơ̆ng đưm – Phŭn bruă mdrao mgŭn bi hgŭm hŏng Knơ̆ng bruă mdrao mgŭn Dak Lak mkŏ mjing Klei kƀĭn ktrâo lač hdră duh bi liê đru mđĭ kyar krĭng pla ana êa drao yuôm hin hlăm hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă lehanăn krĭng čư̆ čhiăng.
Hlăm wưng 1 dưi ngă truh thŭn 2025, mta kñăm mkŏ mjing boh tŭ yuôm mơ̆ng ana mkra mjing êa drao yuôm hin, mkŏ mjing hdră pla ana mkra mjing êa drao hluê hdră ba wĭt klei tŭ dưn lehanăn đru kriê pioh gen mơ̆ng ana mkra mjing êa drao, rơ̆ng hnơ̆ng čuăn tŭ jăk mguôp hŏng bruă răng mgang, mđĭ kyar dliê h’ĭt kjăp.
Dŭm hdră mđĭ kyar ana mkra mjing êa drao yuôm hin dưi hluê ngă ti krĭng mnuih djuê ƀiă lehanăn krĭng čư̆ dliê dleh dlan, ba yua 50% jing mnuih djuê ƀiă mâo êpul bruă duh mkra lehanăn mnuih, gŏ sang mnuih djuê ƀiă, mnuih ƀun hdĭp ti krĭng dleh dlan hrăm mbĭt hluê ngă lehanăn bi đru hrui blei mnơ̆ng hlăm krĭng./.
Viết bình luận