Hlăm knăm, phung bi ala leh anăn phung hđeh êdam êra čar Dak Lak pla leh 80 phŭn ana êgiêr mâo boh dlông mơ̆ng 3m kơ dlông ti êlan dơ̆ng mrô 1 leh anăn mrô 2 hlăm wăl anôk lŏ wĭt dôk ti Alŭ 1, să Hoà Thắng, ƀuôn prŏng Ƀuôn Ama Thuôt. Mbĭt hŏng klei gĭr pla mjing leh anăn kriê dlăng ana kyâo mtah, Knơ̆ng bruă lŏ hma leh anăn mđĭ kyar krĭng ƀuôn sang čar Dak Lak mtă kơ dŭm anôk bruă, alŭ wăl bi mguôp hluê ngă mâo boh tŭ dưn hdră mđĭ kyar dliê kmrơ̆ng Việt Nam wưng thŭn 2021 – 2030, tă hdră truh ti thŭn 2050.

Hlăm anăn, kñăm kơ bruă hâo hưn, mđĭ hĭn klei thâo săng mơ̆ng mnuih ƀuôn sang hlăm bruă răng mgang dliê, gang mkhư̆ klei bi rai dliê, ksĭng mmiă lăn dliê, ngă jăk bruă răng mgang wăl hdĭp mda, bi mdrơ̆ng hŏng klei mlih yan adiê, ksiêm dlăng klei čhŏ djhan leh anăn krŭ wĭt wăl hdĭp mda hŏng bruă pla mjing, răng kriê leh anăn răng mgang ana kyâo mtah.