Hruê 20/10, ti ƀuôn prŏng Ƀuôn Ama Thuôt, čar Dak Lak, Phŭn bruă lŏ hma mđĭ kyar krĭng ƀuôn sang mkŏ mjing “Klei bi kƀĭn bruă lŏ hma: Hdră msir bi hrŏ djah djâo leh anăn mđĭ kyar bruă lŏ hma hơĭt kjăp”. Akŏ thŭn anei, Khua knŭk kna bi mklă “Hdră mđĭ kyar lŏ hma leh anăn krĭng ƀuôn sang hơĭt kjăp” wưng 2021-2030, hnơ̆ng trah dlăng 2050” mŭt leh hlăm mlan 1/2022, hŏng hdră kñăm “Mkŏ mjing tur knơ̆ng lŏ hma mkra mjing mnơ̆ng dhơ̆ng, rơ̆ng kjăp klei djăp mnơ̆ng ƀơ̆ng huă ala čar, đru yuôm bhăn hlăm klei hơĭt kjăp bruă duh mkra- ala ƀuôn, răng mgang wăl hdĭp mda, mdrơ̆ng hŏng klei bi mlih yan adiê.

Čiăng dưi hlue ngă hdră bruă leh anăn dŭm klei ƀuăn rơ̆ng lu ala čar, bruă bi hrŏ djah djâo mâo bruă klam yuôm bhăn. Hlăm klei bi kƀĭn, mâo lu klei blŭ kơ klei bhiăn hdră êlan mđĭ kyar bruă lŏ hma mrâo mrang. Hlăm wưng kơ anăp, Khua gĭt gai Phŭn bruă lŏ hma mđĭ kyar krĭng ƀuôn sang čang hmăng mâo dŭm bruă ngă klă sĭt mđing kơ sa bruă lŏ hma krĭng ƀuôn sang mrâo mrang, ƀĭng ngă lŏ hma thâo mbruă./.