Hruê 10/11, Êpul hgŭm phung mnia mblei mda asei čar Dak lak mkŏ mjing Klei bi kƀĭn mkŏ bruă mnia blei, bi hgŭm mnia blei leh anăn duh bi liê hŏng klei hgŭm mơ̆ng giăm 40 Êpul hgŭm mnia mblei mda asei dŭm čar, ƀuôn prŏng, êpul hgŭm leh anăn giăm 1000 čô bi ala jing phung mnia blei mda asei hlăm kluôm čar.

Klei bi kƀĭn bi trông kơ akŏ “Bi mlih mrô mđĭ hnơ̆ng boh mnga lŏ hma Việt’, Dak lak - anôk truh mơ̆ng phung duh bi liê lŏ hma mrâo mrang, ba mnơ̆ng dhơ̆ng lŏ hma kơ dŭm hla pŏk web mnia blei điện tử leh anăn klei găl ba čhĭ mnơ̆ng dhơ̆ng kơ ala tač êngao mơ̆ng Dak Lak kơ dlông rŏng lăn.  Klei bi kƀĭn ăt hưn mthâo dŭm anăn hdră bruă iêô jak duh bi liê ti čar Dak Lak, klei bi trông kơ klei găl duh bi liê leh anăn klei găl mđĭ kyar mơ̆ng čar Dak lak.

Hlăm klei bi kƀĭn mâo 22 anôk bruă bi siñê dŭm hră bi hdơr “Mkŏ bruă mnia blei, bi hgŭm mnia blei leh anăn duh bi liê”. Gưl anei, Êpul hgŭm mnia blei mda asei Việt Nam mđup brei  2 boh sang bi đru mâo ênoh 110 êklăk prăk kơ dŭm gŏ sang mâo klei hdĭp dleh dlan ti kdriêk Čư̆ Kuin, čar Dak Lak, mđup brei 50 hnư mnơ̆ng kơ phung djŏ êa drao ruă đioxin ti čar, mâo ênoh 100 êklăk prăk./.