Knăm mnia mblei mnơ̆ng dhơ̆ng mơ̆ng ƀuôn ngă bruă đưm, mnơ̆ng dhơ̆ng OCOP Việt Nam leh anăn klei bi lông mnơ̆ng dhơ̆ng mkra mjing hŏng kngan thŭn 2022 jing 2 mta bruă phŭn mơ̆ng 7 mta bruă hlăm Festival mnơ̆ng dhơ̆ng mơ̆ng ƀuôn ngă bruă đưm Việt Nam thŭn 2022 mơ̆ng Phŭn bruă lŏ hma leh anăn mđĭ kyar krĭng ƀuôn sang mkŏ mjing. Hluê ngă hdră mđĭ kyar bruă lŏ hma leh anăn krĭng ƀuôn sang hŏng klei kjăp wưng thŭn 2021 – 2030, tă hdră truh ti thŭn 2050.

Hdră ala čar kñăm mkŏ mkra krĭng ƀuôn sang mrâo wưng thŭn 2021 – 2025, Knăm mnia mblei anei kñăm hưn mdah, pah mni dŭm ƀuôn ngă bruă đưm, phung thâo mbruă, phung mkra mjing dŭm mta mnơ̆ng dhơ̆ng kdlưn hĭn, hưn mdah kơ dŭm klei bi hmô ƀuôn ngă bruă đưm, ƀuôn ngă bruă jăk yâo hlăm kluôm ala, Hưn mdah, bi lar hdră grăp să 1 mnơ̆ng dhơ̆ng OCOP, bi mguôp ba čhĭ mnơ̆ng dhơ̆ng OCOP, dŭm mta mnơ̆ng jăk yâo hlăm alŭ wăl hŏng dŭm mbah mnia mbei mrâo mrang. Mbĭt anăn lŏ iêo mthưr klei duh bi liê, mtrŭt mđĭ klei găl dhar kreh hiu čhưn ênguê leh anăn bruă mă đưm krĭng ƀuôn sang, krŭ wĭt, mđĭ kyar bruă mă đưm, mđĭ hĭn klei bi mguôp boh tŭ mơ̆ng bruă mkra mjing truh kơ klei ba čhĭ, mđĭ kyar mnơ̆ng dhơ̆ng kjăp, jăk hŏng wăl hdĭp mda.