Kñăm rơ̆ng klei tŭ dưi mnuih blei yua, đru bi hrŏ mnơ̆ng lŏ hma mgưt VietGAP mkăp kơ anôk mnia mblei hlăm ala čar, Lâm Đồng ară anei mâo êbeh 5.700 ha ênhă pla mjing ngă lŏ hma hluê VietGAP, giăm 320 ha ênhă VietGAP dưi bi mklă mkă hŏng thŭn êlâo.

Hluê Nguyễn Hà Lộc, K’iăng khua knơ̆ng bruă Lŏ hma mđĭ kyar krĭng ƀuôn sang Lâm Đồng, giăm anei mâo klei hưn dŭm mta mnơ̆ng lŏ hma dưi blei ti anôk bi mnia mblei lehanăn đŭng hruh ngă mgưt jing mnơ̆ng VietGAP lehanăn ba mkăp ti ƀuôn prŏng Hồ Chí Minh. Klei anei hmăi truh kơ klei suaih pral, klei dưi mnuih blei yua lehanăn anăn knăl djam mtam Đà Lạt - Lâm Đồng. Anôk bruă lŏ hma dôk mđĭ hdră ksiêm dlăng anôk pla mjing, mnia mblei mnơ̆ng lŏ hma VietGAP ti alŭ wăl, msir mghaih jih mnơ̆ng VietGAP amâo tŭ jăk./.