“Festival ƀuôn bruă Việt Nam thŭn 2022” pŏk leh hŏng dua bruă prŏng mâo: Klei rang mdah mnơ̆ng ƀuôn bruă lehanăn mnơ̆ng OCOP Việt Nam tal 18, lehanăn klei bi lông mnơ̆ng bi msiam thŭn 2022.

Hŏng ênoh truh 150 knưng mnơ̆ng, klei rang mdah mnơ̆ng ƀuôn bruă lehanăn mnơ̆ng OCOP Việt Nam tal 18 mơ̆ng dŭm phung duh mkra, Êpul hgŭm bruă, anôk mkra mjing, phung ngă lŏ hma lehanăn dŭm ƀuôn bruă mơ̆ng 22 boh čar, ƀuôn prŏng. Ăt ti Festival ƀuôn bruă Việt Nam thŭn anei mkŏ mjing klei bi lông mnơ̆ng mkra mjing hŏng kiê kngan kñăm mpŭ mni kơ phung thâo mbruă, ƀuôn bruă, lehanăn bi kriê pioh knhuah gru dhar kreh bruă đưm, kơ dhar kreh djuê ana./.