Tlam 2/12, ti ƀuôn prŏng Kon Tum, Anôk bruă mtrŭt mjhar lŏ hma ala čar bi hgŭm hŏng Knơ̆ng bruă lŏ hma leh anăn mđĭ kyar krĭng ƀuôn sang čar Kon Tum mkŏ mjing klei bi trông hŏng akŏ: “Bi trông klei thâo mkŏ mjing klei bhiăn ngă bruă mơ̆ng êpul mtrŭt mjhar lŏ hma êpul êya ti Kon Tum”. Phung thơ̆ng kơ bruă, phung kriê dlăng, phung bi ala dŭm knơ̆ng, dhar bruă djŏ tuôm leh anăn Êpul mtrŭt mjhar bruă lŏ hma êpul êyati dua čar Kon Tum leh anăn Gia Lai nao hlăm klei bi kƀĭn.

Čiăng kơ êpul mtrŭt mjhar bruă lŏ hma êpul ngă bruă tŭ dưn, hlăm klei bi trông phung bi ala bi trông kơ klei bhiăn ngă bruă, bruă klam mơ̆ng êpul. Mguôp klei blŭ hŏng dŭm bruă klă klơ̆ng mơ̆ng êpul msĕ si: Êmuh,  ba jao hdră mnêč mrâo kơ gŏ êsei ƀĭng ngă lŏ hma pioh mđĭ kyar bruă mkra mjing, dŭm bruă đru, kčĕ mđĭ kyar Êpul hgŭm bruă lŏ hma; Êpul hgŭm bruă hgŭm hlăm anôk ba čhĭ, bi hgŭm ênoh yuôm mkra mjing kphê leh anăn bruă êmuh, ktrâo lač bi mlih mrô hlăm bruă mkra mjing lŏ hma./.