Anei jing bruă klam phŭn dưi ba mdah ti Klei bi kƀĭn Anôk kriê dlăng bruă Kphê grăp thŭn thŭn 2022 mâo Knơ̆ng ksiêm dlăng Hdră êlan mtrŭn mđĭ kyar bruă lŏ hma krĭng ƀuôn sang bi hgŭm hŏng Knơ̆ng bruă Pla mjing, Phŭn bruă Lŏ hma mđĭ kyar krĭng ƀuôn sang mkŏ mjing hruê 26/10, ti čar Dak Lak.

Leh giăm 10 thŭn mă bruă, Anôk kriê dlăng bruă anei rŭ đang kphê khua thŭn amâo tŭ jăk čiăng lŏ pla mrâo kphê, hluê ngă hdră lŏ hma h’ĭt kjăp hluê hdră pla mrâo kphê, mđĭ hnơ̆ng tŭ yuôm kphê hluê hdră kphê jăk. Ti knăm anei, phung bi ala mđing bi trông, đru mguôp klei mĭn mrâo hlăm hdră mđĭ kyar kphê Việt Nam hlăm wưng ti anăp. Anôk kriê dlăng bruă kphê Việt Nam bi mklă leh hdră mă bruă thŭn 2023, mđing lŏ pla mrâo kphê lehanăn mđĭ kyar kphê doh čiăng dưi mâo mta kñăm truh thŭn 2025, srăng mâo 107.000 heatar kphê pla mrâo lehanăn 11.500 ha kphê jăk hŏng hnơ̆ng 5 êbâo ton./.