Bruă rông mnơ̆ng ară anei mâo truh 25,2% hlăm ênoh jih jang bruă lŏ hma. Hlăm dŭmthŭn êgao, bruă anei đĭ kyar kjăp kơ ênoh lehanăn hnơ̆ng, mâo leh lu phung duh mkra prŏng, mâo leh klei bi mguôp mkŏ mjing mơ̆ng phŭn hlŏng kơ êdŭk, mkra mjing boh knhal tuič pioh čhĭ kơ ala tač êngao.

Nguyễn Thanh Sơn, Khua êpul hgŭm bruă rông mnơ̆ng Việt Nam lač, bi ksiêm dlăng klei bi mguôp plah wah bruă rông mnơ̆ng hŏng dŭm bruă knŭk kna kiă kriê, đru bi ruh mgaih jih klei dleh dlan, mđĭ kyar rŭm mdơ̆ng bruă rông mnơ̆ng hlue ênuk mrâo, mđing kơ klei tŭdưn kjăp. Dŭm êpul hgŭm bi trông nanao, mkŏ mjing klei hâo mdah kñăm đru phung duh mkra ruh mgaih djăp mta klei dleh dlan hlăm bruă rông mnơ̆ng./.