Lu klei bhiăn djuê ana mơ̆ng đưm msĕ si knăm myơr Tắc-bạt, mnei Yang Yơng, kă mrai ti kngan, mbŭ sang čuôr hŏng čuah, sač êa akâo klei myun dưi hluê ngă, bi êdah klei čang hmăng êđăp ênang, yâo mơak.

Phung tuê lŏ dưi nao dlăng hdră kdŏ Lăm Vông, knăm mgrông Nang Sangkhane, hdră hiu čhưn jăk hŏng êman lehanăn mnơ̆ng ƀơ̆ng dŭm djuê ana. Ƀuôn Đon ară anei mâo 15 djuê ana hdĭp mda, hlăm anăn mâo êbeh 400 čô Lao. Bruă krơ̆ng kjăp Tết Bunpimay amâo djŏ knŏng mkăp kơ klei čiăng hlăm dhar kreh ai mĭn ƀiădah lŏ đru krơ̆ng kjăp knhuah dhar kreh, mđĭ klei bi mguôp êpul êya, mtrŭt mđĭ kyar hdră hiu čưn ênguê lehanăn bruă duh mkra – ala ƀuôn alŭ wăl./.