Hơ̆k mơak hdră kkuh drông Yan mnga Bính Ngọ ti Sang yang Lạc Giao
Thứ năm, 10:28, 12/02/2026
Pô mblang: H’Nêč Êñuôl
Pô mblang: H’Nêč Êñuôl
VOV.Êđê - Aguah (11/2), ti Wăl knhuah gru hƀuê ênuk ala čar Sang yang Lạc Giao, ƀuôn hgŭm Ƀuôn Ama Thuôt, čar Dak Lak, Sang kriê pioh mnơ̆ng Dak Lak mkŏ mjing leh Hdră kkuh drông Yan mnga Bính Ngọ 2026, jak iêu lu mnuih ƀuôn sang lehanăn phung tuê nao hgŭm.
Hdră anei mâo lu hdră bruă dhar kreh djuê ana đưm msĕ si kdŏ anak rai, mmuñ ênhiang djuê ana, mmuñ quan họ, kdŏ kpoh kram, čih thư pháp, tui ksiêm mkra dŭm mta ƀêñ djuê ana, mkra tò he. Dŭm mta mnơ̆ng OCOP ăt dưi mkăp čiăng kơ mnuih ƀuôn sang tui ksiêm, blei mprăp.
Hlăm anăn, hdră mphŭn čih boh hră akŏ yan mnga mrâo ăt jak iêu lu mnuih nao akâo boh hră hŏng klei čang hmăng sa thŭn mrâo êđăp ênang, jăk găl. Bruă mkŏ mjing lu hdră kkuh mơak yan mnga mrâo ti wăl knhuah gru đru mguôp mđĭ lar boh tŭ yuôm hƀuê ênuk, dhar kreh mguôp hŏng klei hdĭp êpul êya./.
Viết bình luận