Knăm mphŭn pŏk srăng dưi mkŏ mjing ti wăl tač sang rŏng ƀuôn Ia Gri, să Čư̆ Dang ya, kdriêk Čư̆ Pah, čar Gia Lai. Mta kñăm mơ̆ng hdră jing klei tông čing Lăn Dap Kngư hŏng êbeh 400 čô kdŏ mmuñ, phung thâo mbruă, phung hđeh sang hdră nao hgŭm čiăng bi mni kơ klei siam mnga phĭ mbĭt hŏng dhar kreh čing čhar mơ̆ng Lăn Dap Kngư.

Êngao kơnăn, hdră lŏ bi mguôp rang mdah ênhiang mmuñ đưm leh anăn mrâo mrang. Hlăm hruê kăm, lu mta bruă hơ̆k mơak srăng dưi mkŏ mjing msĕ si klei bi lông êran marathon, rang mdah kdrăp čŭt hơô djuê ana, phưi kpŭng đung hŏng êwa, mkŏ mjing knăm mơak mdiê mrâo, rang mdah dŭm mta mnơ̆ng mkra mjing hŏng kngan leh anăn mnơ̆ng jăk yâo mơ̆ng mnuih Jarai, Bahnar hlăm alŭ wăl.