Knăm anei mphŭn pŏk hŏng hdră tông čing mơ̆ng 20 êpul hŏng êbeh 300 čô mbruă hriê mơ̆ng dŭm kdriêk, ƀuôn prŏng mơ̆ng čar Lâm Đồng. Anei jing hdră dhar kreh jăk siam bi hdơr 30 thŭn hruê mkŏ mjing kdriêk Bảo Lâm, kñăm kriê pioh lehanăn mđĭ lar boh tŭ yuôm dhar kreh mnuih djuê ana ƀiă ti alŭ wăl čar Lâm Đồng.

Dŭm thŭn êgao, čar Lâm Đồng pŏk leh êbeh 100 gưl mtô bi hriăm hdră tông ayŭ kdrăp djuê ana kơ giăm 3 êbâo čô êdam êra jing mnuih djuê ƀiă hlăm čar. Mbĭt anăn, mkăp leh čing kơ 113 êpul, kdrăp čŭt hơô kơ 186 êpul, đru 72 kdrăp mnơ̆ng kơ dŭm sang dhar kreh êpul êya ti krĭng mnuih djuê ƀiă./.