Yap truh kơ mlan 5 thŭn anei, Việt Nam drông leh êbeh 340 êbâo gưl čô mnuih hiu čhưn ênguê mơ̆ng Japon. Mklăk hŏng anăn 5 mlan êgao, êbeh 300 êbâo gưl čô tuê mơ̆ng Việt Nam truh kơ ala čar japon, đĭ 9,6% mkă hŏng wưng anei thŭn dih. Mâo boh tŭ dưn anei jing klei gĭr mơ̆ng dŭm êpul êya bruăhlăm klei hi čhưn ênguê mơ̆ng dua ala čar.

Khua bi ala knŭk kna Japon ti Việt Nam mâo leh ênoh čuăn mđĭ ênoh mnuih hiu čhưn ênguê mơ̆ng dua ala čar truh 2 êklăk gưl čô mnuih 2030. Anôk bruă kơ klei hiu čhưn ênguê Japon ti  Việt Nam lehanăn dŭm ƀĭng hgŭm dôk čang hmăng pŏk dŭm klei găl mrâo hlăm klei bi hgŭm lehanăn duh mkra mnia mblei atăt bruă hiu čhưn ênguê Việt Nam – Japon knư̆ hrue knư̆ đĭ kyar hĭn, lehanăn kjăp hlăm bruă anei wưng tinăp./.