Gia Lai srăng mkŏ mjing Ea Nueng - Čư̆ Đăng ya jing wăl anôk hiu čhưn ênguê ala čar
Thứ tư, 10:10, 23/07/2025
VOV TAYNGUYEN
VOV TAYNGUYEN
VOV.Êđê- Čar Gia Lai dôk mtrŭt mđĭ klei čuăl mkă leh anăn mđĭ kyar alŭ wăl Ea Nueng – Čư̆ Đăng Yă jing sa anôk hiu čhưn ênguê ala čar, hŏng klei hmăng hmưi mkŏ mjing klei kdlưn hĭn kơ bruă hiu čhưn ênguê kơ čar leh anăn alŭ wăl Lăn Dap Kngư.
Hluê si klei čuăl mkă mkŏ mjing, Wăl anôk hiu čhưn ênguê Êa Nueng – Čư̆ Đăng Ya mâo ênhă êbeh 5.000ha, mâo wăt ƀuôn hgŭm Thống Nhất leh anăn ƀuôn hgŭm Biển Hồ. Anôk anei mâo dŭm wăl siam msĕ si Ea Nueng, čŏng čư̆ čê leh anăn čư̆ pui Čư̆ Đăng ya.
Dŭm anôk bruă djŏ tuôm ƀi êdah čuăl mkă mâo 5 wăl anôk: bruă hiu čhưn ênguê dhar kreh Ea Nueng, wăl krah bruă hiu čhưn ênguê Čư̆ Đăng Ya, bruă hiu čhưn ênguê čê Ea Nueng, wăl krah ƀăng jang Dưr Pleiku, leh anăn wăl krah wăl mnơ̆ng hdĭp Ea Nueng A. Klei čuăl mkă dưi mkra mjing hluê si hdră pŏk, bi hrŏ jing hnơ̆ng bê tông, mpŭ kơ klei čŏng mâo mơ̆ng êlâo.
Viết bình luận