Mtrŭt mjhar klei bi lông rup “Klei yâo mơak kơ grăp gŏ sang” ti Dak Lak
Thứ hai, 10:39, 16/03/2026
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Tŭ drông hruê mplĕ hră ruah phung bi ala Bruă Kbĭn ala gưl 16 leh anăn Êpul gơ̆ng bruă ƀuôn sang dŭm gưl wưng thŭn 2026 - 2031, Ti êlan dlăng hră kphê - ƀuôn hgŭm Ƀuôn Ama Thuô̆t, Êpul phung Văn học Nghệ thuật čar Dak Lak mkŏ mjing klei rang mdah rup hŏng akŏ “Mlan 3 hlăm kâo”, mbĭt anăn mtrŭt mjhar klei bi lông rup “Klei yâo mơak kơ grăp gŏ sang” thŭn 2026.
Anôk rang mdah êbeh 100 pŏk rup mơ̆ng phung mă rup hlăm čar, jing dŭm mta rup bi hlăm klei hdĭp aguah tlam, hưn kơ klei siam dliê kmrơ̆ng, anak mnuih leh anăn dhar kreh Dak Lak.
Hluê anăn đru bi lar klei khăp mă rup leh anăn hưn mdah alŭ wăl. Hluê si Niê Thanh Mai, Khua êpul Văn học Nghệ thuật čar Dak La, klei rang mdah ăt jing wưng pŏk anôk rang mdah rup siam ti êlan dlăng hră kphê Ƀuôn Ama Thuô̆t, mĭt tĭng pŏk jêñ jêñ čiăng mkŏ dŭm pŏk rup siam hŏng mnuih ƀuôn sang leh anăn phung khăp kơ bruă.
Viết bình luận