Bruă anei mâo êpul hgŭm bruă dhar kreh klei due čar Daklak hgŭm hŏng knơ̆ng bruă dhar kreh, mjuăt asei mlei, lehanăn hiu čhưn ênguê mkŏ mjing. Hŏng akŏ: “Daklak hđuh phiơr mđrăm mbĭt hŏng lăn čar” hrue klei due tal 23 ti Daklak mâo lu bruă ngă msĕ si: Mdah kdŏ anak rai, bi lông mdêč čing, bi lông tông kdrăp pĕ tông djuê ana, mdah răk klei due, kleikhan, mdah hdruôm hră mơar hŏng akŏ “Klei duê   Việt Nam, Daklak - 50 thŭn leh lăn čar mâo klei êngiê”.

Niê Thanh Mai, Khua êpul hgŭm bruă dhar kreh kdŏ muiñ čar Daklak brei thâo, mbĭt hŏng jih jang bruă dhar kreh, klei kñăm êdi jing mlam răk klei due Nguyên tiêu mkŏ mjing êjai mlam hŏng klei răk klei due mđrĭng hŏgn ênai hgơr, mâo klei kwang ba hriê klei hmăng hmưi kơ jih jang mnuih ƀuôn sang kơ dŭm mta klei jăk yâo hlăm yan mnga mrâo./.