VOV4.Êđê - Mlam (18/11), ti wăl tač 16/3 ƀuôn prŏng Kontum, knơ̆ng bruă sang čư̆ êa Kontum mkŏ mjing knăm mpŭ mni gưl knŭk kna, kơ Phung mbruă jing kdlưn hĭn hlăm bruă dhar kreh amâo mâo êdah klă, lehanăn knăm bi lông tông čing čhar, kdŏ čhuang mơ̆ng djăp djuê ana ti Kontum tal 1 thŭn 2022.

VOV4.Êđê - Nai mniê H’Keng, djuê ana M’Nông, ti Dak Nông khăp mtô klei blŭ amĭ k’kiêng. Giăm 10 thŭn, leh ruê̆ hriăm ti Sang hră Gưl prŏng Đà Lạt, ñu mtô klei M’Nông kơ lu gưl knuă druh, phung mă bruă knŭk kna, hđeh sang hră alŭ wăl. Hluê anăn, nai H’Keng đru kriê pioh leh anăn bi lar knhuah dhar kreh jăk siam djuê ana pô hŏng klei blŭ - boh hră

VOV4.Êđê - Knơ̆ng bruă Dhar kreh – Mjuăt ktang asei mlei lehanăn hiu čhưn ênguê Dak Lak mkŏ mjing leh Knăm rang mdah bruă Mỹ thuật čar Dak Lak tal sa.

VOV4.Êđê - Klei yăl dliê mơ̆ng mnuih Êđê jing mnơ̆ng dhơ̆ng mâo mơ̆ng bruă lŏ hma, anăn jing dŭm klei yal dliê dlông, mâo boh blŭ, mâo ênhiang. Mnuih Êđê klei yal dliê jing “Klei khan”, klei jing boh blŭ, khan jing mmuñ yal dliê. Hlăm kdrêč hruê anei, hmei mâo klei čih lač kơ pô thâo mbruă mda asei Y-Đhin Niê, kreh iêo jing Ama H’Ruin.

VOV4.Êđê - Tlam mbruê 11/11, ti tuê hang ênao Xuân Hương, ƀuôn prŏng Đà Lạt, čar Lâm Đồng mkŏ mjing leh anăn knăm Pŏk kčưm anôk rang mdah siam krĭng Lăn Dăp Kngư leh anăn rang mdah kdrăp čŭt hơô “mnal leh anăn mnơ̆ng pơ̆k mñam krĭng Lăn Dăp Kngư”.

VOV4.Êđê - Ti sang Hră gưl krah bruă Dhar kreh Kdŏ mmuñ Dak Lak, Êpul Văn học Nghệ thuật Dak Lak mkŏ mjing leh Mlam kdŏ mmuñ Klei khăp Linh Nga Niê Kdăm kñăm bi mni kơ dŭm klei đru mguôp mơ̆ng nghệ sĩ Linh Nga Niê Kdăm kơ hdră kdŏ mmuñ Dak Lak giăm 50 thŭn êgao.

VOV4.Êđê - Mkŏ mjing hlăm dua hrue (5 – 6/11) sang dăp piuoh ngăn drăp čar Gialai mkŏ mjing leh knăm knhuah gru dhar kreh thŭn 2022 ti wăl sang dăp pioh ngăn drăp.

VOV4.Êđê - Lač kơ klei kdŏ čhuang krĭng Lăn dap kngư, arăng srăng bi mĭn mâo lu mnuih bi djă kngan mbĭt, bi kdŏ hluê ênai čing čhar, hrăm mbĭt hŏng ai êwa hơ̆k m’ak. Khă snăn, hŏng mnuih Bahnar, lŏ mâo klei kdŏ čhuang hlăm knăm djiê brŭ – sa hdră bi juh klei ênguôt hnĭng hŏng gŏ sang mâo mnuih djiê.

VOV4.Êđê- Sang kriê pioh čar Gia Lai mkŏ mjing “Hruê kăm knăm mơak dhar kreh mnơ̆ng ƀơ̆ng” kñăm kkuh drông bi hdơr 77 thŭn hruê mnơ̆ng kriê pioh dhar kreh Việt Nam (23/11/1945-23/11/2022).

VOV4.Êđê - Ti sang roong Kon Klor, ƀuôn hgŭm Thắng Lợi, adŭ bruă sang hră mtô bi hriăm ƀuôn prŏng Kon Tum, čar Kon Tum mkŏ mjing klei bi lông tông čing - kdŏ čhuang leh anăn bi lông kdrăp djuê ana kơ hđeh sang hră tal VI thŭn 2022.