Dŭm hdră anei dôk hlăm Hruê m’ak Dhar kreh, Mjuăt ktang asei mlei lehanăn hiu čhưn ênguê dŭm djuê ana krĭng Lăn dap kngư gưl tal 1 thŭn 2023 mâo klei hgŭm mơ̆ng êbeh 600 čô mbruă, phung bi lông ti 5 čar krĭng lăn dap kngư.

Hlăm hruê m’ak mâo lu hdră msĕ si: Klei bi lông dhar kreh kdŏ mmuñ, mdah kdrăp čŭth’ô djuê ân, hưn mthâo klei bhiăn ngă yang djuê ana mơ̆ng đưm, hưn mthâo dhar kreh alŭ wăl, rang mdah rup siam mâo akŏ “Êa Mil dhar kreh dŭm djuê ana ƀiă Lăn dap kngư hrăm mbĭt hŏng hdră mđĭ kyar mơ̆ng ala čar”; hdră hưn mthâo klei tŭk knă êsei djam, mnơ̆ng ƀơ̆ng jăk mơ̆ng djuê ana, Rang mdah “Klei jăk siam mơ̆ng dhar kreh mnuih djuê ƀiă Lăn dap kngư hlăm êpul êya dhar kreh dŭm djuê ana Việt Nam; dŭm hdră mjuăt ktang asei mlei lehanăn klei hlăp lêñ djuê ana mbĭt hŏng dŭm hdră mtrŭt mđĭ bruă hiu čhưn ênguê./.