Êlan mnăm kpiê, čê, kphê leh anăn mnơ̆ng jăk Đà Lạt – Lâm Đồng mâo 35 anôk bruă hlăm čar nao hgŭm mkŏ mjing. Mbĭt hŏng rang mdah dŭm mta mnơ̆ng dhơ̆ng mkra mjing mơ̆ng boh mnga bruă lŏ hma, mnơ̆ng dhơ̆ng OCOP, mâo anăn knăl “Đà Lạt – boh tŭ mơ̆ng lăn jăk” leh anăn dŭm mta mnơ̆ng dhơ̆ng phŭng êdah êdi mơ̆ng alŭ wăl, dŭm anôk rang mdah lŏ ngă hdră lông yua mnơ̆ng dhơ̆ng leh anăn čhĭ êlưih dŭm mta mnơ̆ng mơ̆ng anôk bruă pô mkra mjing.

Hluê si Phạm S, k’iăng khua bruă sang čư̆ êa čar Lâm Đồng, hdră anei kñăm mđĭ klei hưn mdah dŭm mta kpiê, čê, kphê leh anăn mnơ̆ng jăk Đà Lạt – Lâm Đồng truh hŏng phung tuê hlăm leh anăn êngao lăn čar. Mbĭt anăn, mkŏ mjing thiăm anôk čuă dlăng, blei yua, đru kơ mnuih ƀuôn sang leh anăn phŭng tuê hlăm wưng Festival mnga Đà Lạt gưl 10 leh anăn thŭn mrâo 2025.