Mlan 7 thŭn 2020, Wăl ƀăng kơưp čư̆ pui tar rŏng lăn UNESCO dưi tŭ yap jing Wăl anôk mta lăn ƀăng kơưp čư̆ pui tar rŏng lăn . Leh 4 thŭn, Wăl anôk  anei lŏ dưi bi mklă anăn knăl anei gưl tal 2. Dưi dlăng jing “Krĭng lăn mơ̆ng dŭm ênhiang mmuñ”, Wăl ƀăng kơưp čư̆ pui tar rŏng lăn Dak Nông dưi bi mklă leh kơhưm hlăm hră kak lăn tar rŏng lăn, đru bi mni, mpŭ mđĭ dŭm boh tŭ yuôm bhăn krĭng lăn, dhar kreh leanăn lăn êa êa mơak mơ̆ng krĭng Lăn dap kngư.

Bruă lŏ bi mklă anăn knăl yuôm bhăn anei jing sa gru kruăk yuôm bhăn, amâo djŏ knŏng đru kơ Dak Nông bi kjăp hdră êlan mđĭ kyar hluê gru hmô hơĭt kjăp ƀiădah lŏ đru mguôp hlăm bruă hluê ngă mta kñăm mđĭ kyar hơĭt kjăp mơ̆ng Hdră bi kƀĭn 2030 mâo Êpul hgŭm lu ala čar ba mdah. Hlăm anăn, mtrŭt mđĭ bruă răng mgang lăn mnga êa mơak, lăn adiê jăk siam, mtrŭt mđĭ kyar bruă duh mkra – ala ƀuôn hluê hdră bi knar lăn adiê hŏng dhar kreh djuê ana./.