Čar Dak Lak ară anei mâo êbeh 216 êbâo čô khua thŭn, hlăm anăn mâo êbeh 9.300 čô dôk hgŭm hlăm bruă Đảng, bruă sang čư̆ êa leh anăn dŭm êpul bruă kđi čar ala ƀuôn.

Mbĭt anăn, čar mâo 921 čô dưi yap jing mnuih mâo kơhưm hlăm êpul êya. Anei jing phung jih ai tiê hlăm bruă hâo hưn, mtrŭt mjhar, mtô bi hriăm leh găp djuê leh anăn mnuih ƀuôn sang hlue ngă hdră êlan mơ̆ng Đảng, hdră bhiăn knŭk kna, mđĭ ai tiê thâo răng, mđĭ klei bi hgŭm jih jang djuê ana, đru mkŏ mjing leh anăn lar bra hdră “Jih jang mnuih ƀuôn sang răng mgang klei êđăp ênang čar kwar”.