Leh lu blư̆ mđĭng hmư̆ leh anăn mguôp klei blŭ, truh kơ ară anei, hdră mkăp klei bhiăn lăn yua (mkra mlih) adôk mâo lu klei blŭ mdê mdê djŏ tuôm hŏng dŭm klei čuăn kơ hnơ̆ng yua lăn hlăm klei čuăl mkă lăn yua, bruă ksiêk mbha klă dŭm hnơ̆ng čuăn yua lăn năng ai ngă truh kƀah klei mbruă, amâo mâo kluôm ênŭm amâodah amâo mâo djăp klei mlih mrâo hlăm boh sĭt, ngă truh klei dleh dlan hlăm bruă hluê ngă leh anăn hmăi kơ boh tŭ mnuih ƀuôn sang, knơ̆ng bruă, lŏ bi mâo lu mta hră mơar knŭk kna.

Kyuanăn, čiăng lŏ dơ̆ng bi klă hdră bhiăn, hnơ̆ng čuăn dŭm knơ̆ng yua lăn ti dŭm gưl čuăl mkă yua lăn. Ăt hlăm hruê anei, Dhar bruă kƀĭn ala brei klei blŭ mguôp kơ hdră Mtrŭn mơ̆ng bruă kƀĭn ala kơ bruă dưn yua prăk jia knơ̆ng bruă bi mbŏ hluê si klei čuăng gang mkhư̆ klei toh hroh anôk bruă jia tar rŏng lăn, Brei klei blŭ mguôp kơ hdră mtrŭn mơ̆ng bruă kƀĭn ala kơ bruă lông hluê ngă dŭm hdră êlan hlăm bruă mrâo mrang, Brei klei blŭ mguôp hưn mdah kơ bruă bi klah čŭn hdră ngă bruă, mmông tĭng tla ngăn prăk knŭk kna hlăm grăp thŭn…