Êpul khua bruă Đảng čar Khánh Hoà mrâo bi klă hdră mtrŭn kơ hdră êlan hơĭt kjăp bruă sang hră mơar thŭn 2025, tă hdră truh thŭn 2045, Čiăng mkŏ mjing klei dlưn hĭn hlăm bruă sang hră mơar, ba čar Khánh Hoà jing anôk bruă mtô bi hriăm, kreh knhâo leh anăn mrâo mrang mơ̆ng lăn čar.

Mta kñăm dưi bi klă: truh thŭn 2030, 100% phung nai dưi bi hriăm hluê si hdră bhiăn Mtô bi hriăm, êbeh 80% sang hră gưl 3 djăp ênoh čuăn ala čar, hnơ̆ng dưi hlăm klei bi lông ruê̆ gưl 3 mâo êbeh 98%, mŭt hriăm gưl prŏng leh anăn gưl krah dôk hlăm êpul ba anăp ti alŭ wăl. Mbĭt hŏng anăn jing mlih mrâo mta phŭn, hdră êlan mtô bi hriăm, ƀrư̆ ƀrư̆ ba klei Angle jing klei blŭ tal 2 hlăm sang hră, pŏk mlar klei bi mguôp tar rŏng lăn leh anăn iêo jak phung hriăm gưl prŏng ala tač êngao hriê hriăm. Hdră mtrŭn ăt bi êdah dŭm hdră êlan đru kơ phung nai, mđĭ ênoh đru bruă ƀiă êdi 70% kơ phung nai, 100% kơ phung nai krĭng dleh dlan, plao ksĭ leh anăn krĭng mnuih djuê ƀiă.