Bi hdơr 80 thŭn hruê krŭ kdơ̆ng mlan 8, bruă mkŏ mjing lăn čar 2/9 leh anăn 80 thŭn hruê knhuah gru kahan ksiêm yang ƀuôn, mmăt mbruê 25/8, ti anôk bruă knŭk kna, Khua knŭk kna Phạm Minh Chính bi tuôm, bi hdơr phung knuă druh blŭ hâo hưn kahan ksiêm nao đru kơ kdrăn mblah kwar Dhŭng.

Khua knŭk kna mñă ktang Đảng, knŭk kna, mnuih ƀuôn sang hdơr nanao klei săn asei mơ̆ng dŭm êbâo čô knuă druh kahan ksiêm nao đru, hlăm anăn mâo giăm 1000 čô săn asei, lu mnuih arăng mă krư̆, arăng čăm biêng, djŏ drao ruă diosin, êka amâo thâo hlao, lui sa kdrêč kđeh klang ti anôk bi blah. Anăn jing klei ktưn hưn, ngăn dŏ yuôm bhăn mơ̆ng djuê ana leh anăn êpul bruă kahan ksiêm. Khua knŭk kna mñă kơ dŭm phŭn, dhar bruă, alŭ wăl, boh nik jing phŭn bruă kahan ksiêm lŏ dơ̆ng bi lar knhuah gru hdơr knga tla ai, kriê dlăng gŏ sang knŭk kna dlăng ba, phung mâo bruă tŭ dưn, boh nik jing phung kahan ksiêm tuôm nao đru kơ kdrăn mblah kwar Dhŭng.