K’iăng Khua bruă kƀĭn ala nao čhưn, mđup brei mnơ̆ng kơ gŏ sang knŭk kna dlăng ba ti Lâm Đồng
Thứ tư, 00:00, 23/07/2025
VOV TAYNGUYEN
VOV TAYNGUYEN
VOV.Êđê-Aguah 22/7, ƀri gưl bi hdơr 78 thŭn Hruê phung kahan êka êkeh - êngiă asei (27/7), K’iăng Khua bruă kƀĭn ala Nguyễn Thị Thanh hŏng êpul mă bruă nao čhưn leh anăn mđup brei mnơ̆ng kơ dŭm gŏ sang knŭk kna dlăng ba ti Đà Lạt, čar Lâm Đồng.
Leh nao ti 5 gŏ sang êdah êdi, K’iăng Khua bruă kƀĭn ala Nguyễn Thị Thanh bi tuôm, mđup brei mnơ̆ng hdơr knga kơ 100 čô mnuih mâo ai hŏng lăn čar ti Đà Lạt. K’iăng Khua bruă kƀĭn ala mñă klă, Đảng leh anăn Knŭk kna mđing nanao kơ bruă hlue ngă hdră êlan đru kơ phung mâo ai hŏng lăn čar, mbĭt anăn mtă kơ Lâm Đồng lŏ dơ̆ng mđĭ bruă ngă “hdơr knga tla ai”.
Čar dôk mâo êbeh 21.000 čô êngiă asei, 11.000 čô kahan êka êkeh leh anăn leh anăn 40 êbâo tuôm bi blah. Êngao kơ 100 hnwu mnơ̆ng mđup brei hlăm gưl anei, Nguyễn Thị Thanh ăt iêô jak phung mâo ai tiê kmah đru thiăm 400 hnư mnơ̆ng kơ dŭm gŏ sang knŭk kna dlăng ba ti Lâm Đồng, Dak Nông leh anăn Bình Thuận hđăp.
Viết bình luận