Ti dŭm anôk truh, kơiăng khua knŭk kna nao čuă êmuh leh klei suaih pral, bi êdah klei lač jăk anăp klei săn asei, đru mguôp prŏng prĭn mơ̆ng ênuk gưl nao êlâo kyua klei êđăp ênang, hnŭk êngiê mơ̆ng ala čar.

Kơiăng khua knŭk kna čang hmăng phung Amĭ Việt Nam jhŏng ktang, phung kahan êka êkeh suaih pral nanao, jing gru mngač čiăng lŏ mjuăt bi hriăm knhuah gru khăp kơ lăn čar hlăm ênuk gưl hđeh, mtă kơ bruă knŭk kna alŭ wăl lŏ dơ̆ng mđing dlăng jăk hĭn kơ klei hdĭp mnuih mâo bruă tŭ dưn, boh nik hŏng phung mâo klei hdĭp dleh dlan./.