Truh ară anei čar Kon Tum đru leh 1.390 gŏ êsei mnuih ƀuôn sang tlaih mơ̆ng klei hdĭp mda hlăm sang tĭ, ƀrôč, hlăm anăn mâo 1.079 boh sang mkra mrâo leh anăn ênoh mkra mđĭ jing 311 boh. Snăn truh ară anei čar Kon Tum lăm lui leh êbeh mkrah wah hlăm ênoh 2.752 sang tĭ, ƀrôč brei mkra mrâo leh anăn mkra đĭ mơ̆ng čar.

Ti krĭng knông lăn Sa Thầy, Kon Tum, kdriêk mkra mrâo, mkra mđĭ leh 312/346 boh sang. Bùi Văn Quang, K’iăng Khua Knơ̆ng bruă mặt trận kdriêk Sa Thầy, brei thâo, alŭ wăl dôk gĭr ktưn hnưm bi leh bruă lăm lui sang tĭ, ƀrôč hlăm mlan 3 anei mtam.