Quảng Ngãi bi leh bruă lăm lui sang dôk êjai
Thứ ba, 10:02, 26/08/2025
VOV TAYNGUYEN
VOV TAYNGUYEN
VOV.Êđê- Aguah hruê 25/8, Bruă Đảng čar, bruă sang čư̆ êa, Êpul gơ̆ng bruă ƀuôn sang, dhar bruă mặt trận čar Quảng Ngãi mkŏ mjing klei kƀĭn bi lông ktưn khăp kơ lăn čar čar Quảng Ngãi gưl tal 1 (2025 – 2030), ksiêm wĭt dŭm boh tŭ dưn dưi mâo mơ̆ng hdră bruă bi lông ktưn khăp kơ lăn čar leh anăn klei pah mni wưng thŭn 2020 – 2025, mbĭt anăn ba mdah dŭm hdră tă, bruă klam kñăm kơ wưng thŭn 2025 – 2030.
Hlăm 5 thŭn êgao, dŭm hdră bruă bi lông ktưn “Quảng Ngãi hrăm mbĭt mkŏ mkra krĭng ƀuôn sang mrâo”, “Kyua mnuih ƀun ƀin – Amâo mâo lui sa čô kơ dluôn” dưi đru mkra mđĭ, rŭ mdơ̆ng mrâo êbeh 9.000 boh sang, bi leh 100% mta kñăm lăm lui sang dôk êjai, ba wĭt klei hdĭp hơĭt kơ mnuih ƀuôn sang.
Blŭ hrăm gĭt gai klei bi kƀĭn, U Huấn, k’iăng khua bruă Đảng čar Quãng Ngãi mñă klă, hlăm wưng thŭn 2025 – 2030, dŭm hdră bruă bi lông ktưn čiăng dưi mlih mrâo kơ mta phŭn, mđing kơ nah gŭ, krĭng tlaih kbưi, mtrŭt mđĭ klei mlih mrâo mbruă leh anăn mlih mrô, bi mguôp kjăp hŏng klei pah mni djŏ, ba čar jing krĭng đĭ kyar leh anăn kiêng đĭ kyar yuôm bhăn mơ̆ng kwar krah leh anăn Lăn Dap Kngư.
Viết bình luận