VOV4.Êđê- Hruê 18/8, K’iăng Khua lăn čar Võ Thị Ánh Xuân mâo leh gưl nao mă bruă ti Bình Phước hŏng lu bruă yuôm bhăn kriê dlăng phung knŭk kna dlăng ba.

VOV4.Êđê - Tlam (17/8), êlâo kơ mŭt thŭn hriăm mrâo, Knơ̆ng gĭt gai lĭng kahan răng mgang knông lăn čar Dak Nông mkŏ mjing leh knăm bi mni kơ phung hđeh êdah êdi hlăm hdră “Đru kơ adei nao sang hră – anak rông kđông kahan răng mgang knông lăn” lehanăn hdră “Knuă druh, lĭng kahan đru kơ adei nao sang hră” thŭn hriăm 2022-2023.

VOV4.Êđê - Ti anăp klei hâo hưn giăm 3000 čô hđeh sang hră hriăm ruĕ gưl 2 ti Dak Lak ară anei ka mâo sang hră čiăng hriăm ngă kơ hđeh sang hră leh anăn amĭ ama rŭng răng, khua gĭt gai čar Dak Lak wĭt lač hŏng VOV kơ hdră msir bruă anei.

VOV4.Êđê - Hlăm dŭm thŭn êgao, să Dak Nia, ƀuôn prŏng Gia Nghĩa, čar Dak Nông, mđing nanao kơ bruă mđĭ kyar đảng viên, boh nik đảng viên krĭng mnuih djuê ƀiă. Grăp čô đảng viên jing kmeh gơ̆ng ba dŭm hdră mtrŭn mơ̆ng Đảng, hdră êlan mơ̆ng knŭk kna hŏng mnuih ƀuôn sang đru să mđĭ kyar kơ bruă duh mkra ala ƀuôn, mkŏ mjing tŭ jing hdră krĭng ƀuôn sang mrâo.

VOV4.Êđê - Tlam 13/8, K’iăng khua knŭk kna Trần Lưu Quang nao leh “Hruê m’ak jih jang mnuih ƀuôn sang răng mgang klei êđăp ênang ala čar thŭn 2023” ti să Êa Tul, kdriêk Čư̆ Mgar, čar Dak Lak

VOV4.Êđê - Klei kƀĭn Mnuih mă bruă thŭn 2023 dưi bi hmô msĕ si sa klei bi tuôm hŏng phung bi ala mdê hĭn. Hŏng akŏ “Bi kluôm hdră êlan, klei bhiăn ala čar djŏ tuôm hŏng mnuih mă bruă leh anăn êpul bruă Công đoàn”, klei kƀĭn jing wưng čiăng kơ anôk bruă mơ̆ng Bruă kƀĭn ala, dŭm anôk bruă, êpul êya djŏ tuôm bi tuôm, mđing hmư̆ klei čiăng, hmăng hmưi mơ̆ng mnuih mă bruă čiăng ƀrư̆ hruê ƀrư̆ bi kluôm dhuôm hdră bhiăn.

VOV4.Êđê- Hruê mbruê 11/8, Êpul hgŭm bruă phung mniê čar Dak Lak bi mguôp hŏng keh prăk đru kơ phung hđeh čar mkŏ mjing hdră Bi tuôm, pah mni “Amĭ pô rông” êdah êdi thŭn 2023.

VOV4.Êđê- Hŏng bruă klam kriê dlăng, răng mgang kjăp klei dưi, klei êđăp ênang knông lăn ala čar, knuă druh, lĭng kahan răng mgang knông lăn pral pŏk ngă jăk hdră msir răng mgang knông lăn, gĭr hgŭm mkŏ mjing bruă kđi čar nah gŭ, mđĭ kyar bruă duh mkra, dhar kreh, ala ƀuôn, lĭng kahan, klei êđăp ênang ti alŭ wăl. Mbĭt anăn kƀĭn djăp klei găl, mđĭ bruă mjĕ êrô mnuih ƀuôn sang, iêô mthưr đru kơ mnuih ƀuôn sang krĭng knông lăn bi leh hdră mkŏ mkra krĭng ƀuôn sang mrâo, bi mlih krĭng ƀuôn sang knông lăn ƀrư̆ kjăp leh anăn đĭ kyar, hyuă kjăp hĭn klei bi hgŭm lĭng kahan - ƀuôn sang, mkŏ mjing knông lăn ƀrư̆ hruê ƀrư̆ kjăp.

VOV4.Êđê- Tlam (9/8), ti ƀuôn prŏng Kon Tum, Anôk kriê dlăng bruă Đảng čar Kon Tum mkŏ mjing Klei kƀĭn ksiêm wĭt 2 thŭn hluê ngă Klei klah čŭn mrô 08, kơ bruă hluê ngă Hdră mtrŭt mjhar “Bi mlih klei mĭn, hdră ngă hlăm mnuih ƀuôn sang djuê ƀiă, đru kơ ƀuôn sang kpưn đĭ tlaih kơ ƀun h’ĭt kjăp”.

VOV4.Êđê- Klei bi blah êgao leh dŭm pluh thŭn, ƀiădah klei truh jhat mơ̆ng drao ruă dioxin ngă ăt dôk mâo ti Việt Nam. Dŭm thŭn êgao, hŏng lu hdră ngă, Đảng, Knŭk kna lehanăn mnuih ƀuôn sang drei mâo leh klei mđing dlăng, đru, mjing klei găl hlăm djăp mta ra bruă čiăng phung djŏ drao ruă dioxin lehanăn gŏ sang lŏ mâo boh kdrŭt hgao klei dleh dlan, duam ruă, bi h’ĭt klei hdĭp, ñŭ kma hlăm êpul êya.