VOV4.Êđê- Hlăm wưng êgao, hŏng klei mđing dlăng mơ̆ng Đảng leh anăn Knŭk kna lu hdră êlan, hdră bruă bi liê hlăm krĭng mnuih djuê ƀiă ti Dak Lak ngă leh, leh anăn dôk mđĭ lar boh tŭ, krĭng hdĭp mda mnuih djuê ƀiă ƀrư̆ mlih mrâo.

VOV4.Êđê- Aguah hruê 10/9, bruă Đoàn Êdam êra Cộng sản Hồ Chí Minh gưl dlông, Êpul bruă Đội gưl dlông bi hgŭm hŏng Dhar bruă dhar kreh, Mtô bi hriăm mơ̆ng Anôk bruă kƀĭn ala, Adŭ bruă kƀĭn ala mkŏ mjing leh Klei bi kƀĭn “Anôk bruă kƀĭn ala kơ phung hđeh” gưl tal I

VOV4.Êđê- Mrâo êgao, ti Hà Nội mkŏ mjing leh Klei bi kƀĭn kluôm ala pŏk hluê ngă Hdră bhiăn, hdră mtrŭn mơ̆ng Anôk bruă kƀĭn ala gưl XV. Blŭ hrăm ti anôk bi kƀĭn Khua bruă kƀĭn ala Vương Đình Huệ mtă brei mđĭ hĭn, mlih mrâo hdră mtô mjuăt kơ hdră bhiăn djŏ guôp hŏng grăp čô, djŏ guôp hŏng alŭ wăl, boh nik ti krĭng mnuih ƀuôn sang djuê ƀiă lehanăn krĭng čư̆ čhiăng.

VOV4.Êđê- Khădah bruă duh mkra dôk lu klei dleh dlan, ƀiădah Knŭk kna ăt mđing nanao kơ hdră msir klei ư̆ êpa, bi hrŏ klei ƀun knap hŏng lu hdră bruă, hdră mtrŭn klă klơ̆ng. Ksiêm yap mơ̆ng Phŭn bruă Mnuih ngă bruă, kahan êka êkeh lehanăn yang ƀuôn brei ƀuh, thŭn 1993, ênoh gŏ êsei ƀun kluôm ala mâo 58%, truh thŭn 2020 dôk 2,75% lehanăn thŭn 2021 trŭn dôk 2,23%. Việt Nam bi leh mta kñăm ênuk êbâo thŭn mơ̆ng Êpul hgŭm lu ala čar kơ bruă msir klei ư̆ êpa bi hrŏ klei ƀun knap lehanăn mâo êpul êya tar rŏng lăn tĭng dlăng jing gru mngač bi hrŏ ƀun tar rŏng lăn. Hlăm wưng ti anăp, Knŭk kna lŏ dơ̆ng bi leh hdră mtrŭn bi hgŭm mđĭ kyar bruă duh mkra – ala ƀuôn ti krĭng dleh dlan hŏng krĭng đĭ kyar.

VOV4.Êđê - Mkŏ mjing klei bi hgŭm hŏng gưl bruă đảng, bruă sang čư̆ êa alŭ wăl, mđĭ bruă bi mjĕ mjing hŏng mnuih ƀuôn sang krĭng taih kbưi, krĭng knông lăn anăn jing klei blŭ mâo anôk bruă hlăm Anôk bruă gĭt gai lĭng kahan čar Dak Lak bi mklă hlăm gưl trŭn ngă bruă čung ba mnuih ƀuôn sang hlăm mlan 8 mrâo êgao. Hŏng bruă ngă klă klơ̆ng, knuă druh, lĭng kahan dŭm anôk bruă mâo leh klei khăp jăk siam hlăm ai tiê mnuih ƀuôn sang djuê ƀiă ti dŭm ƀuôn sang knông lăn Dak Lak.

VOV4.Êđê - Hruê mgi 5-9 jing hruê mphŭn pŏk thŭn hriăm mrâo. Sa bruă mâo phung bi ala kơ mnuih ƀuôn sang, amĭ ama, hđeh sang hră mđing, anăn jing hdruôm hră mtô. Mrâo êgao, Knơ̆ng bruă kƀĭn ala ngă leh bruă ktuê dlăng akŏ “Bruă hlue ngă Hdră mtrŭn mơ̆ng bruă kƀĭn ala kơ klei mlih mrâo hdră, hdruôm hră mtô. Dhar bruă kƀĭn ala mtă kơ Phŭn bruă sang hră mtô bi hriăm brei mkŏ mjing čih mkra sa hdruôm hră djăp ênŭm mơ̆ng adŭ 1 truh adŭ 12.

VOV4.Êđê- Hŏng hdră êlan “jao boh hră, ba klei čang hmăng”, mơ̆ng thŭn 2016 truh kơ ară anei, Lĭng kahan răng mgang knông lăn čar Dak Nông pŏk leh dŭm hdră bruă msĕ si “Anak rông kđông kahan răng mgang knông lăn”, “Đru kơ adei nao sang hră” tŭ dưn. Hluê hŏng hdră anei, bi mklă leh klei khăp, thâo bi đru, klei hgŭm mguôp kjăp mơ̆ng phung knuă druh, lĭng kahan hŏng mnuih ƀuôn sang ti krĭng knông lăn, mâo dŭm gưl, dhar bruă, bruă sang čư̆ êa, sang hră lehanăn mnuih ƀuôn sang čih yap.

VOV4.Êđê- Hrue mbrue 28/8, Êpul hgŭm bruă êdam êra čar Daklak hgŭm leh hŏng êpul hgŭm phung hriăm gưl prŏng čar mkŏ mjing hdră bi tuôm lehanăn mpŭ mni kơ phung hriăm gưl prŏng tŭ jing.

VOV4.Êđê- Ti Klei bi kƀĭn tal 25 mơ̆ng Dhar bruă gĭt gai Anôk bruă kƀĭn ala leh êgao, Khua phŭn bruă Lŏ hma mđĭ kyar krĭng ƀuôn sang Lê Minh Hoan wĭt lač leh klei êmuh msĕ si bruă bi mlih mta kñăm ba yua, sua wĭt ênhă lăn pla mdiê, rơ̆ng mâo djăp braih, hdră ba čhĭ braih kơ ala tač êngao lehanăn mnơ̆ng ƀơ̆ng huă.

VOV4.Êđê-Knơ̆ng bruă mnuih ngă bruă Việt Nam mrâo mâo klei Klah čŭn mrô 02 kơ bruă đru kơ phung đoàn viên công đoàn, mnuih mă bruă luič bruă mă, mjưh mdei klei kuôl kă mă bruă.