Pŏk ngă Hdră “Bi hgŭm rông bê – Mkra mđĭ hdră duh ƀơ̆ng”, Êpul phung mniê mă bruă duh mkra mnia mblei čar Dak Lak bi hgŭm hŏng Êpul phung mniê mă bruă duh mkra mnia mblei Việt Nam mđup brei 100 drei bê ana mđai kơ phung mniê mnuih djuê ƀiă ti Dak Lak. Hdră anei dưi hluê ngă 3 gưl, jao 100 drei bê ana mđai kơ 30 gŏ sang mnuih djuê ƀiă ti dŭm ƀuôn sang ti čar Dak Lak.

Hdră anei srăng đru hluê hdră mlir tuôr kơ dŭm gŏ sang dưi ruah, mâo klei ƀuăn rơ̆ng mơ̆ng 3 tĭng, mâo Êpul phung mniê mă bruă duh mkra mnia mblei čar Dak Lak, gŏ snag lehanăn êpul bruă mniê alŭ wăl. Grăp gŏ sang dưi tŭ mă 3 drei bê ana mđai, Êpul mơ̆ng 3 truh kơ 5 gŏ sang giăm mbĭt dưi jao 1 drei bê knô mjeh. Wưng đru jing 2 thŭn, hlăm anăn dŭm tĭng djŏ tuôm srăng ksiêm dlăng kjăp gŏ sang mâo đru, tơdah amâo ba wĭt boh tŭ dưn srăng mâo hdră đru klă klơ̆ng mkăn./.