VOV4.Êđê- Mdrao mgŭn lehanăn bruă mtô bi hriăm jing 2 hdră bruă mâo mnuih ƀuôn sang kluôm ala mđing dlăng lehanăn hlăm hruê kăm êgao, 2 bruă anei mâo leh Anôk bruă kƀĭn ala bi trông ti Klei bi kƀĭn tal 6, Anôk bruă kƀĭn ala gưl 15.

VOV4.Êđê- Aguah anei (02/11) Bruă kƀĭn ala ksiêm dlăng kơ klei hlue ngă prăk knŭk kna thŭn 2023

VOV4.Êđê - Mđĭ klei čŏng pô bi mklă hdră duh mkra lehanăn k’hưm mơ̆ng phung mniê hluê hdră mđĭ kyar bruă bi hgŭm kluôm hdră duh mkra pla mjing lehanăn hrui blei Ana brang mtah mâo phung mniê ngă khua jing bruă hlăm Hdră “Mtrŭt mđĭ klei mtăp mđơr êkei mniê hluê ngă mđĭ boh tŭ bruă duh mkra ngă lŏ hma lehanăn mđĭ kyar bruă hiu čhưn ênguê ti čar Lào Cai lehanăn Sơn La”. Hlăm 2 thŭn pŏk hdră anei, ba wĭt leh boh tŭ dưn jăk, amâo djŏ knŏng mjing hdră êlan mrâo hlăm klei đĭ kyar bruă lŏ hma h’ĭt kjăp ƀiădah lŏ mtrŭt mđĭ klei mtăp mđơr êkei mniê hlăm krĭng mnuih djuê ƀiă.

VOV4.Êđê- Bruă sang čư êa čar Dak Nông mrâo hưn mdah hŏng Êpul gơ̆ng bruă ƀuôn sang čar ksiêm dlăng bi klă 622 klei kuôl kă êjai kñăm mgaih msir klei kƀah nai mtô.

VOV4.Êđê- Mđĭ ba yua kdrăp hâo hưn leh anăn bi mklă hdră mkŏ mjing ênoh mrô kơ ngăn dŏ êa čiăng pral mdrơ̆ng hŏng dŭm klei bi mlih yan adiê leh anăn klei dleh ktuê dlăng mơ̆ng yan adiê, lăn ala. Anei jing boh phŭn phung bi ala bruă kƀĭn ala bi trông hlăm klei bi kƀĭn hruê kăm êlâo tơdah bi trông kơ hră čih ngăn dŏ êa lŏ mlih mrâo.

VOV4.Êđê-Aguah mbrue (24/10), ti knơ̆ng bruă kahan čar Kon Tum, Êpul kiă kriê bruă mrô 515 čar Kon Tum mkŏ mjing leh knăm kơ êpul K53 đuĕ nao tui duah klang kleh phung djiê êngiă hlăm ênuk bi blah ti ala čar Lao lehanăn Campuchia.

VOV4.Êđê - Hlue ngă hdră “Kyua phung hđeh khăp hơiêng”, Bruă êdam êra Gia Lai mđup brei leh 50 gru hmô duh mkra hdĭp mda kơ phung hđeh sang hră jing mnuih djuê ƀiă mâo klei hdĭp dleh dlan.

VOV4.Êđê - Ti Hà Nội mrâo mkŏ mjing Klei bi kƀĭn Đảng êpul bi ala Anôk bruă kƀĭn ala lehanăn Anôk bruă knuă druh Đảng knŭk kna mă leh klei blŭ kơ hdră mprăp kơ Klei bi kƀĭn tal 6, Anôk bruă kƀĭn gưl 15. Đảng êpul bi ala Anôk bruă kƀĭn ala lehanăn Anôk bruă knuă druh Đảng knŭk kna pral mâo hdră bi trông, hluê ngă djŏ hdră, djŏ wưng, djŏ hŏng klei kčah mtrŭn.

VOV4.Êđê- Mâo klei gĭt gai prŏng mŏng dŭm gưl bruă sang čư̆ êa, klei mđĭ mlih hdră êlan mă bruă ti Daklak mâo leh dŭm klei bi mlih jăk.

VOV4.Êđê- Hlăm wưng êgao, bruă mtrŭt mđĭ hdră hrui blei mnơ̆ng lŏ hma kơ mnuih ƀuôn sang djuê ƀiă krĭng čư̆ čhiăng mâo dŭm alŭ wăl mđing dlăng. Hlăm anăn, hdră mtrŭt mđĭ bruă mnia mblei mâo bruă klam yuôm bhăn mjing boh kdrŭt, pŏk mlar wăl anôk hrui blei mnơ̆ng dhơ̆ng mơ̆ng alŭ wăl, boh nik jing krĭng mnuih djuê ƀiă hlăk hdră ñŭ kma ƀrư̆ hruê ƀrư̆ êlam hĭn