Khua lăn čar Tô Lâm mơĭt kơ jih êpul, phung đăo hlăm kluôm ala klei êmuh hrăm mơ̆ng Khua gĭt gai Đảng Nguyễn Phú Trọng. Mbĭt anăn mơĭt kơ phung khua dŭm êpul bruă klei đăo klei hơêč hmưi suaih pral, jăk mơak, đĭ kyar hlăm bruă hrăm mbĭt hŏng djuê ana.

Khua lăn čar čang hmăng, phung khua dlăng bruă klei đăo lŏ dơ̆ng bi êdah jăk hĭn bruă klam jing kban mkŏ yuôm bhăn plah wah Đảng, knŭk kna hŏng mnuih ƀuôn sang hlue đăo; iêô mthưr phung đăo hlăm ala čar leh anăn ala tač êngao, bi hgŭm, mnuih ƀuôn sang mđing kơ hdră bi lông ktưn khăp kơ ala čar, mđĭ kyar bruă duh mkra- dhar kreh- ala ƀuôn, rơ̆ng êđăp ênang, bruă hŏng tač êngao; bi hmô hlue ngă hdră êlan mơ̆ng Đảng leh anăn hdră êlan, hdră bhiăn Knŭk kna; hlue ngă jăk bruă klam mnuih ƀuôn sang, hlue đăo bi mguôp hŏng djuê ana.