VOV4.Êđê- Tlam mbrue 27/12, khua knơ̆ng bruă sang čư̆ êa čar Daknông mâo leh mmông bi blŭ hrăm hŏng phung ngă lŏ hma, êpul hgŭm bruă kñăm ruh mgaih djăp mta klei dleh dlan, gun kpăk kơ phung ngă lŏ hma, êpul hgŭm hlăm čar.

VOV4.Êđê- Ti Hà Nội mrâo mkŏ mjing Klei kƀĭn mjuăt bi hriăm hdră ala čar kñăm mđĭ kyar bruă duh mkra – ala ƀuôn krĭng mnuih djuê ƀiă, krĭng čư̆ čhiăng wưng thŭn 2021-2025.

VOV4.Êđê- Knơ̆ng bruă mnuih mă bruă, kahan êka êkeh leh anăn yang ƀuôn čar Dak Lak ksiêm dlăng leh phung dleh dlan čiăng mâo klei đru hlăm wưng Tết Quý Mão 2023 leh anăn akâo brei đru brei braih kơ êbeh 18.000 gŏ sang, hŏng êbeh 67.674 čô mnuih ƀuôn sang.

VOV4.Êđê- Pŏk ngă Hdră “Êlan klei pui dăng kông leh anăn măi tính kơ adei”, bruă sang hră čar Dak Lak mtrŭt mjhar, iêô mthưr dŭm klei găl ala ƀuôn đru brei čiăng blei 14 êbâo măi tính kơ phung hđeh hlăm gŏ êsei ƀun.

VOV4.Êđê-Ară anei, dŭm Phŭn, dhar bruă, êpul êya mơ̆ng gưl dlông truh kơ bruă Đảng, sang čư̆ êa lehanăn dŭm êpul bruă ti alŭ wăl pŏk hluê ngă tŭ dưn dŭm hdră bruă djŏ tuôm kơ phung mniê lehanăn phung hđeh. Mơ̆ng anăn, phung mniê lehanăn phung hđeh mnuih djuê ƀiă ƀrư̆ mđĭ klei thâo săng, bruă ngă, đru mkŏ mkra wăl anôk êđăp ênang kơ pô.

VOV4.Êđê - Hlăm grăp wưng hƀuê ênuk, hdră êlan djuê ana mơ̆ng Việt Nam dưi mbŏ, mkra mlih kñăm ngă djŏ klei čiăng boh sĭt leh anăn klei đĭ kyar lăn čar. Boh nik, wưng mlih mrâo, klei bhiăn, klei mĭn kơ bruă djuê ana lŏ dưi bi mklă leh anăn mbŏ kñăm mđĭ lar klei găl čiăng mđĭ kyar bruă duh mkra- ala ƀuôn krĭng mnuih djuê ƀiă leh anăn čư̆ chiăng.

VOV4.Êđê- Kyua mâo hdră êlan, mâo ai dưi duh bi liê leh anăn klei sa ai mơ̆ng mnuih ƀuôn sang, anăn jing kliăng pŏk klei tŭ jing kơ bruă bi hrŏ ƀun. Bi hŏng mnuih ƀuôn sang jing mnuih djuê ƀiă hlăm dŭm alŭ wăl kluôm ala ăt msĕ sơnăn mơh, hŏng ai tiê thâo khăp, thâo pap, klei hdĭp mnuih ƀuôn sang mâo leh lu klei mlih klă nik.

VOV4.Êđê- Khua knŭk kna Phạm Minh Chính mrâo ba mdah Asăp mtrŭn rơ̆ng klei êđăp ênang êlan klông hlăm wưng Têt Dương lịch, Têt Nguyên đán Quý Mão lehanăn Knăm m’ak yan mnga 2023.

VOV4.Êđê - Hâo hưn, mtô mblang, mtô bi hriăm hdră bhiăn kơ mnuih djuê ƀiă leh anăn krĭng čư̆ čhiăng jing sa hlăm dŭm bruă klam yuôm bhăn mâo dŭm alŭ wăl kƀĭn hlue ngă hlăm lu thŭn êgao. Mơ̆ng anăn, đru mđĭ klei thâo săng ba klei tŭ dưn hlăm bruă hlue ngă hdră bhiăn, klei êngiê.

VOV4.Êđê - Thŭn 2022 khădah êpul êya ngă bruă ti čar Kon Tum jih ai gang mkhư̆, ƀiădah klei bi rai dliê, tlĕ mă kyâo soh hŏng hdră bhiăn ăt dôk mâo nanao, anei jing boh klei bhiăn mâo lu phung bi ala uêñ mĭn hlăm klei kƀĭn tal 4, Êpul gơ̆ng bruă ƀuôn sang čar Kon Tum gưl 12 mrâo êgao.