Hlăm knăm trŭn ngă bruă, êpul mda asei 2 čar Kon Tum leh anăn Đồng Nai mđup brei 400 hnư mnơ̆ng kơ phung hđeh ti să Đăk Kôi, kdriêk Kon Braih hŏng ênoh 100 êklăk prăk; mđup brei 100 blah čhum ao leh anăn 50 hnư prăk hriăm hră, grăp hnư 500 êbâo prăk kơ hđeh sang hră mâo klei hdĭp đleh dlan.

Gưl anei, bruă êdam êra čar Đồng Nai ăt mđup brei “Sang klei khăp” mâo ênoh 70 êklăk prăk kơ gŏ êsei Y Hà ti alŭ 9, să Đăk Kôi; đru masin mkă hnơ̆ng êrah, êa drao mâo ênoh 33 êklăk prăk kơ mnuih ƀuôn sang hlăm să, mđup brei 25 kƀŏng pui êran hŏng pil yang hruê kơ ktuê êlan “Kuč mngač êlan ƀuôn sang” mâo ênoh êbeh 37 êklăk prăk.